షాహి పసంద
ABN, First Publish Date - 2017-12-02T16:55:33+05:30
డక్‌ (బాతు)బ్రెస్ట్‌- అరకిలో, ఎర్ర ఉల్లిపాయలు, నువ్వులు - ఒక్కోటి 100 గ్రాముల చొప్పున, జీడిపప్పు- 150 గ్రాములు, పుదీనా- ఒక కట్ట, పెరుగు- 250 గ్రాములు,
కావలసినవి: డక్‌ (బాతు)బ్రెస్ట్‌- అరకిలో, ఎర్ర ఉల్లిపాయలు, నువ్వులు - ఒక్కోటి 100 గ్రాముల చొప్పున, జీడిపప్పు- 150 గ్రాములు, పుదీనా- ఒక కట్ట, పెరుగు- 250 గ్రాములు, దేశీయ నెయ్యి- 300 గ్రాములు, అల్లం, వెల్లులి పేస్టు- ఒక్కో టేబుల్‌స్పూను చొప్పున, తెల్ల మిరియాలు, శొంఠి, గరంమసాలా పొడి, జీలకర్ర, ఆవాలు, ఎండుమిర్చి(కచ్చాపచ్చాగా చేసి)- ఒక్కో టీస్పూను చొప్పున, ఉప్పు-తగినంత, టొమాటోలు (సన్నగా తరిగి) -3, ఉల్లిగింజలు- ఒక టీస్పూను, క్రీమ్‌ చీజ్‌- అరకప్పు.
అలంకరణకు: పైన్‌ గింజలు - 100 గ్రాములు
తయారీ:
- డక్‌ బ్రెస్టును ముక్కలుగా కోయాలి.
- ఉల్లిపాయలు, జీడిపప్పు, పుదీనా, నువ్వులను ఉడికించి చల్లారిన తర్వాత పెరుగుతో కలిపి మెత్తగా గ్రైండ్‌ చేయాలి.
- కళాయిలో నెయ్యి వేడిచేయాలి. అందులో అల్లం, వెల్లుల్లి పేస్టు పచ్చి వాసన పోయే వరకు వేగించి, మిగతా మసాలాను కూడా కలపాలి.
- టొమాటోలు, పెరుగు కలిపి పేస్టులా చేయాలి.
- వీటన్నింటితోపాటు డక్‌ బ్రెస్ట్‌ ముక్కలను కూడా కళాయిలో వేసి ఆవిరి మీద పావుగంట ఉడికించాలి.
- చివరిగా చీజ్‌ క్రీమును కూడా అందులో వేయాలి. ఇది వేశాక మరీ ఎక్కువసేపు స్టవ్‌ మీద ఉంచకుండా దించేయాలి.
- డక్‌ బ్రెస్ట్‌తో తయారైన షాహి పసంద మీద పైన్‌ గింజలు చల్లి రోటీతో తింటే ఎంతో బాగుంటుంది.
Updated Date - 2017-12-02T16:55:33+05:30 IST