బీట్‌రూట్‌ పిజ్జా
ABN, First Publish Date - 2017-09-16T19:49:53+05:30
బీట్‌రూట్‌ తరుగు - 1 కప్పు, ఉల్లి ముక్కలు - అర కప్పు, పన్నీర్‌ ముక్కలు - 3/4 కప్పు, జీలకర్ర పొడి...
కావలసిన పదార్థాలు
బీట్‌రూట్‌ తరుగు - 1 కప్పు, ఉల్లి ముక్కలు - అర కప్పు, పన్నీర్‌ ముక్కలు - 3/4 కప్పు, జీలకర్ర పొడి - 1 టీస్పూను, కొత్తిమీర తరుగు - 2 టేబుల్‌ స్పూన్లు, ఉప్పు - తగినంత, గోధుమ పిండి - 1 కప్పు, నూనె - 1 టేబుల్‌ స్పూను, కారం - అర టీస్పూను, నెయ్యి - వేపుడుకు సరిపడా.
తయారీ విధానం
బీట్‌రూట్‌ తరుగుకు ఉప్పు చేర్చి మూత ఉంచి మెత్తగా ఉడికించాలి. దీనికి ఉల్లి ముక్కలు, జీలకర్ర పొడి, కొత్తిమీర, కారం, పన్నీర్‌, ఉప్పు చేర్చి బాగా కలిపి మరో 2 నిమిషాలు ఉడికించాలి. తర్వాత ఈ మిశ్రమాన్ని నాలుగు సమ భాగాలుగా చేసుకోవాలి. గోధుమ పిండికి నూనె, ఉప్పు, నీళ్లు చేర్చి ముద్దగా పిసుక్కోవాలి.
సమ భాగాలుగా చేసుకుని ఒక్కో పిండి ముద్దను పరోటాగా ఒత్తుకోవాలి. ఈ పరోటాలో ఉడికించి పెట్టుకున్న బీట్‌రూట్‌ మిశ్రమాన్ని ఉంచి పైన మరో పరోటా ఉంచి అంచులు మూసేయాలి. నాన్‌ స్టిక్‌ ప్యాన్‌ వేడి చేసి, నెయ్యి వేసి, పిజ్జా పరోటాలను రెండు వైపులా కాల్చుకోవాలి. వేడిగా టమాటా సాస్‌తో వడ్డించాలి.
Updated Date - 2017-09-16T19:49:53+05:30 IST