యమ్మీ.. ఎగ్‌ చాట్‌!
ABN, First Publish Date - 2017-07-30T21:11:00+05:30
సాయంత్రంపూట సరదాగా ఎగ్‌చాట్‌తో చక్కటి స్నాక్‌ను తయారు చేసుకోవచ్చు. సమయం కూడా ఎక్కువ పట్టదు.. సులువుగా ఎగ్‌చాట్‌ చేసుకుని తినేయండిలా...
29-07-2017: సాయంత్రంపూట సరదాగా ఎగ్‌చాట్‌తో చక్కటి స్నాక్‌ను తయారు చేసుకోవచ్చు. సమయం కూడా ఎక్కువ పట్టదు.. సులువుగా ఎగ్‌చాట్‌ చేసుకుని తినేయండిలా..
కావాల్సిన పదార్థాలు
కోడిగుడ్లు (ఉడకబెట్టినవి)- 4
ఉల్లిపాయలు - పావు కప్పు (చిన్నగా తరిగినవి)
టొమాటోలు- పావు కప్పు (తరిగినవి)
క్యారెట్‌ (తురిమిన)- 3 టీ స్పూన్లు
పుదీనా చట్నీ- 2 టీ స్పూన్లు
ఉప్పు, చాట్‌మసాలా, కారం- తగినంత
నిమ్మరసం- ఒక టీ స్పూన్‌
తయారీ విధానం
ఉడికిన ఒక్కో కోడిగుడ్డును నాలుగు ముక్కలుగా కట్‌ చేయాలి. వాటిని ఓ ప్లేట్‌లో చక్కగా అమర్చాలి. ఆ కట్‌చేసిన గుడ్లపై టొమాటోలు, తురిమిన క్యారెట్‌, పుదీనా చట్నీ, ఉల్లిపాయలు, ఉప్పు, చాట్‌మసాలా, కారంలను చల్లాలి. చివరగా నిమ్మరసం కాస్తవేసి కొత్తిమీరను గార్ని్‌సకు వాడితే ఎగ్‌చాట్‌ రెడీ. దీన్ని లొట్టలేసుకుని మరీ తినటం ఇక మీ వంతు!
Updated Date - 2017-07-30T21:11:00+05:30 IST