వంకాయ బెల్లం కూర
ABN, First Publish Date - 2015-12-05T14:45:11+05:30
కావలసిన పదార్థాలు: వంకాయలు - అరకిలో, బెల్లం పొడి - రెండు టేబుల్‌ స్పూన్లు, అల్లం వెల్లుల్లి ముద్ద - ఒక టేబుల్‌ స్పూను, ఉల్లిపాయలు - రెండు, గరం మసాలా - అర
కావలసిన పదార్థాలు: వంకాయలు - అరకిలో, బెల్లం పొడి - రెండు టేబుల్‌ స్పూన్లు, అల్లం వెల్లుల్లి ముద్ద - ఒక టేబుల్‌ స్పూను, ఉల్లిపాయలు - రెండు, గరం మసాలా - అర టీ స్పూను, కారం - రెండు టీ స్పూన్లు, పసుపు - చిటికెడు, కరివేపాకు - రెండు రెబ్బలు, కొత్తిమీర - ఒక కట్ట, ఉప్పు - తగినంత, నూనె - సరిపడా.
తయారుచేయు విధానం: ముందుగా ఉల్లిపాయల్ని ముక్కలుగా కోసి మిక్సీ గిన్నెలో వేసుకోవాలి. అందులో అల్లం వెల్లుల్లి ముద్ద, గరం మసాలా, కారం, పసుపు, ఉప్పు వేసి మెత్తగా నూరుకోవాలి. తరువాత వంకాయల్ని శుభ్రంగా కడిగి గుత్తివంకాయల్లా కోసి పెట్టుకోవాలి. ఇప్పుడు స్టౌ మీద మందపాటి గిన్నె పెట్టి సరిపడా నూనె పోసి బాగా కాగాక ఉల్లిపాయ ముద్ద వేసి సన్నని మంటపై వేగించాలి. బాగా వేగాక దింపేసి పక్కన పెట్టుకోవాలి. గుజ్జు బాగా చల్లారాక దీన్ని వంకాయల్లో పెట్టుకోవాలి. మళ్లీ స్టౌ వెలిగించి వెడల్పాటి గిన్నె పెట్టి సరిపడా నూనె పోసి బాగా కాగాక ఉల్లిగుజ్జు పెట్టుకున్న వంకాయల్ని అందులో వేసి సన్నని మంటపై వేగించుకోవాలి. తరువాత ఒక కప్పు నీళ్లలో బెల్లం వేసి కలపాలి. ఈ నీళ్లు వేగుతున్న వంకాయలపై పోయాలి. నీరంతా పోయాక దించేయాలి. చివర్లో కొత్తిమీరతో అలంకరించుకోవాలి.
Updated Date - 2015-12-05T14:45:11+05:30 IST