మటన్‌ కబాబ్‌
ABN, First Publish Date - 2015-09-01T18:02:21+05:30
కావలసిన పదార్థాలు: కీమా మటన్‌ - అరకేజి, ఉల్లిపాయ -1, అల్లం వెల్లుల్లి పేస్టు - 2 స్పూన్లు, పచ్చిమిర్చి
కావలసిన పదార్థాలు: కీమా మటన్‌ - అరకేజి, ఉల్లిపాయ -1, అల్లం వెల్లుల్లి పేస్టు - 2 స్పూన్లు, పచ్చిమిర్చి - 3, కొత్తిమీర తరుగు - 3 టేబుల్‌ స్పూన్లు, పచ్చిబొప్పాయి పేస్టు - 3 టేబుల్‌ స్పూన్లు, కారం - 1 టీ స్పూను, యాలకులు - 8, మిరియాలపొడి - 1 టీ స్పూను, గరం మసాల - 1 టీ స్పూను, ఉప్పు - రుచికి తగినంత, నూనె - సరిపడా, నిమ్మరసం - అర చెక్క, చాట్‌ మసాల - 1 టీ స్పూను.
తయారుచేసే విధానం: కీమాను శుభ్రంగా కడిగి నీరు లేకుండా పిండేయాలి. ఒక పాత్రలో కీమాతో పాటు మిగతా పదార్థాలన్నీ వేసి ముద్దలా కలిపి, ఒక ప్లాస్టిక్‌ కవర్‌ కప్పి గంటసేపు రిఫ్రిజిరేటర్‌లో ఉంచాలి. ఈ లోపుగా వెదురు పుల్లల్ని నీటిలో నానబెట్టుకోవాలి. గుప్పిటనిండా కీమా మిశ్రమాన్ని తీసుకొని (8 అంగుళాల పొడవు, అంగుళం చుట్టుకొలతతో) పుల్లకు పట్టించాలి. అవసరమనుకుంటే నూనె పూసి బొగ్గులపై తిప్పుతూ దోరగా కాల్చుకోవాలి. వేడివేడిగా పుదీనా చట్నీతో తింటే చాలా బాగుంటాయి.
Updated Date - 2015-09-01T18:02:21+05:30 IST