వంకాయ బోండాలు
ABN, First Publish Date - 2015-09-05T17:38:15+05:30
కావలసిన పదార్థాలు: (చిన్న సైజు) వంకాయలు - 4, ఉల్లిపాయలు - 2, పచ్చిమిర్చి - 2, అల్లం వెల్లుల్లి పేస్టు
కావలసిన పదార్థాలు: (చిన్న సైజు) వంకాయలు - 4, ఉల్లిపాయలు - 2, పచ్చిమిర్చి - 2, అల్లం వెల్లుల్లి పేస్టు - 1 టీ స్పూను, గరం మసాల - 1 టీ స్పూను, ఉప్పు - రుచికి తగినంత, నూనె - వేగించడానికి సరిపడా, శనగపిండి - 1 కప్పు, వాము - చిటికెడు. చింతపండు గుజ్జు - 1 టేబుల్‌ స్పూను.
తయారుచేసే విధానం: ఒక పాత్రలో శనగపిండి, వాము, చిటికెడు ఉప్పు వేసి తగినంత నీటితో జారుగా కలిపి పక్కనుంచాలి. వంకాయలను కిందనుండి తొడిమ వరకు గాటు పెట్టి కొద్ది నీటిలో 5 నిమిషాలు ఉడికించి తీసెయ్యాలి. కడాయిలో ఉల్లి, పచ్చిమిర్చి తరుగు, అల్లం వెల్లుల్లి పేస్టు వేగించి మసాల పొడి, ఉప్పు, చింతపండు గుజ్జుతో పాటు మిక్సీలో పేస్టు చేసుకోవాలి. ఈ పేస్టును చీరిన వంకాయల్లో కూరి శనగపిండి జారులో ముంచి నూనెలో దోరగా వేగించుకోవాలి. సాయంత్రం టిఫిన్‌గా వేడివేడిగా టమోటా సాస్‌తో అద్దుకుని తింటే బాగుంటాయి.
Updated Date - 2015-09-05T17:38:15+05:30 IST