చర్చలలో నిలుస్తున్న జలౌరీ గేట్‌ విశేషాల గురించి మీకు తెలుసా?

ఇటీవల రాజస్థాన్‌లోని జోధ్‌పూర్‌లో మతపరమైన హింస చెలరేగిన తర్వాత, నగరంలోని జలౌరీ గేట్ ప్రాంతం చర్చనీయాంశమైంది. ఈ హింసాకాండ తరువాత, నగరంలోని 10 పోలీస్ స్టేషన్ల పరిధిలో కర్ఫ్యూ విధించారు. అల్లర్ల సంఘటనలకు సంబంధించి 97 మందిని అరెస్టు చేశారు. భద్రత దృష్ట్యా 1000 మంది పోలీసులను మోహరించారు. పుస్తకాలు, తినుబండారాలతో నిత్యం కళకళలాడే జలౌరి గేట్ ప్రాంతం పోలీసుల కాపలా మధ్య కాస్త నిశ్శబ్దంగా మారింది. జలోరి గేట్‌కు ఘనమైన చరిత్ర ఉంది. 

జలౌరి గేట్ జోధ్‌పూర్‌లో అత్యంత రద్దీగా ఉండే ప్రాంతాలలో ఒకటి. ఇక్కడ ప్రసిద్ధ సర్కిల్ ఉంది. ఇక్కడే హింస మొదలైంది. జోధ్‌పూర్ కోట చుట్టూ గోడ ఉంది. దీనికి ఐదు ద్వారాలు కూడా ఉన్నాయి. ఈ ద్వారాలన్నింటికీ జోధ్‌పూర్ చుట్టుపక్కల ఉన్న నగరాల పేర్లు పెట్టారు. రాజస్థాన్‌లోని జోధ్‌పూర్ రాచరిక రాష్ట్రం.. ఇది విలీనం అయ్యే వరకు, మార్వార్ పాలన కొనసాగింది. 1949లో రాజస్థాన్‌లో విలీనమైన తర్వాత, మార్వార్ రాచరిక రాష్ట్రం జోధ్‌పూర్, బార్మర్, జలోర్, పాలి, నాగౌర్‌గా ఐదు జిల్లాలుగా విభజించారు.  జలోరీ గేట్‌తో పాటు, ఒక విగ్రహం కూడా చర్చనీయాంశమైంది, దానిపై మత జెండాలు ఉంచారు. దీంతోనే వివాదం ప్రారంభమైంది. స్వాతంత్ర్య సమరయోధుడు బాల్ ముకుంద్ బిస్సా విగ్రహం దగ్గర జెండా ఎగురవేశారు. ఆయప నాగౌర్‌లోని దిద్వానాలోని పిలావా గ్రామంలో జన్మించారు. 1934లో, అతను కోల్‌కతా నుండి జోధ్‌పూర్‌కు తిరిగి వచ్చి, ఇక్కడ వ్యాపారం ప్రారంభించాడు. బిస్సా గాంధేయ నాయకుడిగా పేరుపొందారు.