IPL: గ్రీన్ జెర్సీ ధరించిన RCB.. ఎందుకో తెలుసా?
ABN, First Publish Date - 2022-05-08T23:23:37+05:30
సన్ రైజర్స్ హైదరాబాద్‌తో జరుగుతున్న మ్యాచ్‌లో రాయల్ చాలెంజర్స్ బెంగళూరు (RCB)
ముంబై: సన్ రైజర్స్ హైదరాబాద్‌తో జరుగుతున్న మ్యాచ్‌లో రాయల్ చాలెంజర్స్ బెంగళూరు (RCB) గ్రీన్ జెర్సీ ధరించి బరిలోకి దిగింది. ఈ మ్యాచ్‌లో చెలరేగి ఆడిన ఆర్సీబీ నిర్ణీత 20 ఓవర్లలో ఏడు వికెట్ల నష్టానికి 192 పరుగులు చేసింది. కాగా, గో గ్రీన్ (Go Green) ఇనిషియేటివ్‌లో భాగంగానే ఆర్సీబీ గ్రీన్ జెర్సీ ధరించింది. నిజానికి ఆర్సీబీకి ఇదేమీ కొత్త కాదు. 2011 నుంచి ఇలా గ్రీన్ జెర్సీని ధరిస్తోంది. భవిష్యత్ తరాలకు పరిశుభ్రమైన, పచ్చని వాతావారణం ఆవశ్యకతపై అవగాహన కల్పించడమే దీని ముఖ్య ఉద్దేశం.
2011లో కొత్త జట్టు అయిన కొచ్చి టస్కర్స్ కేరళతో జరిగిన మ్యాచ్‌లో ఆర్సీబీ తొలిసారి గ్రీన్ జెర్సీతో బరిలోకి దిగింది. ఆ మ్యాచ్‌లో 126 పరుగుల లక్ష్య ఛేదనతో బరిలోకి దిగిన బెంగళూరు 9 వికెట్ల తేడాతో విజయం సాధించింది. తిలక్‌ర్నే దిల్షాన్ 52 పరుగులతో నాటౌట్‌గా నిలవగా క్రిస్ గేల్ 16 బంతుల్లో 44 పరుగులు చేశాడు. చివరిసారి 2020లో చెన్నై సూపర్ కింగ్స్‌తో జరిగిన మ్యాచ్‌లో ఆర్సీబీ గ్రీన్ జెర్సీ ధరించింది. ఆ మ్యాచ్‌లో ధోనీ సేన చేతిలో 8 వికెట్ల తేడాతో ఓటమి పాలైంది.