సాధారణంగా పాములంటే చాలా మంది భయపడతారు. పాము ఉందని తెలిస్తే అటు వైపు వెళ్లడానికి కూడా జంకుతారు. అలాంటిది ఎవరైనా పాములతో కలిసి డ్యాన్స్ చేశారంటే కచ్చితంగా అది ఆసక్తికర విషయమే అవుతుంది. తాజాగా ఓ వ్యక్తి రెండు భారీ కొండచిలువలతో కలిసి డ్యాన్స్ చేస్తున్న వీడియో వైరల్‌గా మారింది. ఆ వీడియోను `వరల్డ్ ఆఫ్ స్నేక్స్` అనే ఇన్‌స్టాగ్రామ్ హ్యాండిల్‌లో షేర్ చేశారు. 

ఆ రెండు కొండచిలువలు ప్రపంచంలోనే అతి పొడవైనవని సదరు ఇన్‌స్టాగ్రామ్ హ్యాండిల్‌లో పేర్కొన్నారు. ఆ రెండు కొండచిలువలను ఇండోనేసియాకు చెందిన ఓ వ్యక్తి భుజాలపై వేసుకుని బ్యాగ్రౌండ్‌లో వస్తున్న బీట్‌కు అనుగుణంగా డ్యాన్స్ వేశాడు. ఈ వీడియోను ఇన్‌స్టాగ్రామ్‌లో షేర్ చేసిన వెంటనే వైరల్ అయింది. ఇప్పటికి 44 వేలకు పైగా లైక్స్ దక్కించుకుంది. ఆ మనిషి ధైర్యానికి చాలా మంది నెటిజన్లు విస్తుపోతున్నారు.