Mysterious Metal Balls: భూకంపం వచ్చినట్టుగా శబ్దం.. భయంభయంగానే గ్రామస్తులు వెళ్లి చూస్తే..
ABN, First Publish Date - 2022-05-14T01:44:16+05:30
భారీ శబ్దంతో గుజరాత్లోని ఆనంద్ జిల్లాలోని వేరు వేరు ప్రాంతాల ప్రజలు భయంతో ఇళ్లలోంచి పరుగులు తీశారు. భూకంపం సంభవించిందేమో అని ఆందోళన చెందారు. తీరా విషయం తెలిసి ఊరిపి పీల్చుకున్నారు.
ఇంటర్నెట్ డెస్క్: భారీ శబ్దంతో గుజరాత్లోని ఆనంద్ జిల్లాలోని వేరు వేరు ప్రాంతాల ప్రజలు భయంతో ఇళ్లలోంచి పరుగులు తీశారు. భూకంపం సంభవించిందేమో అని ఆందోళన చెందారు. తీరా విషయం తెలిసి ఊరిపి పీల్చుకున్నారు. కాగా.. ఇందకు సంబంధించిన పూర్తి వివరాల్లోకి వెళితే..
ఆనంద్ జిల్లాలోని నాలుగు వేరు వేరు ప్రదేశాల్లో ఆకాశం నుంచి భారీ సైజులో ఉన్న లోహపు బంతులు(Metal Balls) కింద పడ్డాయి. గురువారం సాయంత్రం ఈ ఘటన చోటు చేసుకోగా.. Mysterious Metal Balls కింద పడగానే పెద్ద శబ్దం రావడంతో ప్రజలు భయాందోళనలకు లోనయ్యారు. భూకంపం వచ్చిందని ఇళ్ల నుంచి పరుగులు తీశారు. అనంతరం ఆకాశం నుంచి మెలట్ బాల్స్ పడిన విషయం తెలుసుకుని ఊపిరి పీల్చుకున్నారు. కాగా.. దీనిపై సమాచారం అందడంతో పోలీసులు అక్కడకు చేరుకుని ప్రజలకు ధైర్యం చెప్పారు. వాటిని సాటిలైట్లకు సంబంధించిన భాగాలుగా భావిస్తున్నట్టు పేర్కొన్నారు. అంతేకాకుండా వాటిని పరిశీలించడం కోసం ఫోరెన్సిక్ ల్యాబ్కు పంపినట్లు అధికారులు వెల్లడించారు. కాగా.. ప్రస్తుతం ఆ మెటల్ బాల్స్కు సంబంధించిన ఫొటోలు సామాజిక మాధ్యమాల్లో చక్కర్లు కొడుతున్నాయి.