భారత్‌లోని విద్యావిధానానికి చైనీస్ చదువులకు తేడాలివే..
ABN, First Publish Date - 2022-05-10T14:27:09+05:30
మనదేశంలోని విద్యా విధానం గురించి మనకు తెలిసిందే! ఇక్కడ...
మనదేశంలోని విద్యా విధానం గురించి మనకు తెలిసిందే! ఇక్కడ ప్రభుత్వ పాఠశాలు, ప్రైవేట్ పాఠశాల ద్వారా పిల్లలకు విద్య నేర్పుతారు. ఇప్పుడు చైనా విద్యా విధానం గురించి తెలుసుకుందాం. వాస్తవానికి చైనాలో కూడా ప్రాథమిక విద్య తప్పనిసరి. అయితే సీనియర్ సెకండరీకి చేరుకున్న తర్వాత, పిల్లల ఫీజులు, పాఠశాల ఖర్చులు తల్లిదండ్రులు లేదా సంరక్షకులు చెల్లించాలి. గ్రామీణ ప్రాంతాల్లో ఆర్థిక ఇబ్బందుల కారణంగా పిల్లలు మధ్యలోనే చదువు మానేస్తుంటారు.
భారతదేశంలో విద్య 10+2+3 పద్ధతిలో ఉంటుంది. చైనా విద్యా విధానంలో నాలుగు దశలు ఉంటాయి. మొదట ప్రీ స్కూల్, ఆ తర్వాత ప్రైమరీ స్కూల్.. వీటిలో పిల్లలు 6 ఏళ్లు చదవాలి. ఆ తర్వాత 3 సంవత్సరాలు జూనియర్ సెకండరీ పాఠశాల విద్య ఉంటుంది. ఆ తరువాత మూడు సంవత్సరాల పాటు సీనియర్ మాధ్యమిక పాఠశాల విద్యా విధానం ఉంటుంది. నాల్గవ దశ వచ్చేసరికి చాలా మంది గ్రామీణప్రాంత విద్యార్థులు చదువుకు స్వస్తి చెప్పి జీవనోపాధి చూసుకుంటారు. కొద్దిమంది విద్యార్థులు మాత్రమే చదువులు కొనసాగిస్తారు. ఇక్కడున్న మరో ముఖ్యమైన విషయం ఏమిటంటే, ఒక తరగతిలో 35 మంది విద్యార్థులు మాత్రమే ఉంటారు. చైనాలో 6 నుండి 15 సంవత్సరాల వయస్సు వరకు పాఠశాల విద్య ఉచితం. అయితే పుస్తకాలు, యూనిఫాం కోసం డబ్బులు చెల్లించాలి. జూనియర్ మిడిల్ స్కూల్ తర్వాత, విద్యార్థులు తాము రెగ్యులర్ సెకండరీ మిడిల్ స్కూల్, వొకేషనల్ స్కూల్ లేదా సెకండరీ ప్రొఫెషనల్ స్కూల్‌కి వెళ్లాలనేది వారే నిర్ణయించుకోవాల్సివుంటుంది.