Therapy : వీటితో డిమెన్షియా దూరం
ABN, First Publish Date - 2022-11-28T23:07:00+05:30
డిమెన్షియా రోగుల జీవితాలు మెరుగవ్వాలంటే వైద్యపరమైన చికిత్స ఒక్కటే సరిపోదు. మతిమరుపుతో క్రమం ...
డిమెన్షియా రోగుల జీవితాలు మెరుగవ్వాలంటే వైద్యపరమైన చికిత్స ఒక్కటే సరిపోదు. మతిమరుపుతో క్రమం తప్పిన దైనందిన జీవితాన్ని గాడిలో పడేలా చేసే థెరపీలను కూడా అనుసరించాలి. అవేంటంటే...
స్పీచ్‌ థెరపీ: డిమెన్షియా రోగుల్లో కనిపించే ప్రధాన సమస్యల్లో ఒకటి చెప్పాలనుకున్న విషయాన్ని మాటల్లో వ్యక్తం చేయలేకపోవటం. ఈ సమస్యను అధిగమించడానికి రోగులకు స్పీచ్‌ థెరపీ తప్పక ఇవ్వాలి. ఈ థెరపీలో భాగంగా ఫొటోలు, సైగల ద్వారా చెప్పాలనుకున్న విషయాన్ని వ్యక్తం చేయగలిగేలా శిక్షణ ఇస్తారు.
ఫిజియోథెరపీ: డిమెన్షియా రోగుల్లో కనిపించే మరో సమస్య అవయవాల్లో సమన్వయ లోపం. దీని వల్ల నడిచేటప్పుడు తరచుగా పడిపోతూ ఉంటారు. చేతులు పట్టుతప్పి వస్తువులను పడేస్తూ ఉంటారు. ఈ సమస్యకు ఫిజియోథెరపీ ఎంతో ఉపయోగపడుతుంది. ఇందులో భాగంగా కాళ్లు, చేతుల్ని కదిలించే వ్యాయామాలు చేయిస్తారు.
పిఇజి థెరపీ: పెగ్‌ థెరపీ అని పిలిచే ఈ చికిత్సను పోషకాహార లోపాన్ని సరిచేయటం కోసం అనుసరిస్తారు. డిమెన్షియా రోగులు తగినంత ఆహారం తీసుకోకపోవటం వల్ల తరచుగా పోషకాహార లోపానికి లోనవుతూ ఉంటారు. ఇలాంటప్పుడు పెగ్‌ థెరపీ ఎంతో ఉపయోగపడుతుంది. ఈ థెరపీలో భాగంగా పొట్ట భాగంలో రంథ్రం చేసి ఫీడింగ్‌ ట్యూబ్‌ను అమర్చి దాని ద్వారా మందులు, ఆహారాన్ని పంపిస్తూ ఉంటారు. ఇలాంటి ఏర్పాటు వల్ల మింగే పనిలేకుండా ఆహారం, మందులు నేరుగా పొట్టలోకి చేరిపోతాయి.
Updated Date - 2022-11-28T23:07:01+05:30 IST