UAE అధ్యక్షుడు షేక్ ఖలీఫా బిన్ జాయేద్ అల్ నహ్యాన్ కన్నుమూత
ABN, First Publish Date - 2022-05-13T23:11:10+05:30
యునైట్ అరబ్ ఎమిరేట్స్ అధ్యక్షుడు, అబుదాబి ఎమిరేట్స్ పాలకుడు కూడా అయిన షేక్ ఖలీఫా బిన్ జాయెద్
అబుదాబి: యునైటెడ్ అరబ్ ఎమిరేట్స్ అధ్యక్షుడు, అబుదాబి ఎమిరేట్స్ పాలకుడు కూడా అయిన షేక్ ఖలీఫా బిన్ జాయెద్ అల్ నహ్యాన్ (Sheikh Khalifa bin Zayed Al Nahyan) కన్నుమూశారు. ఆయన వయసు 73 సంవత్సరాలు. ఆయన మృతికి గల కారణాలు తెలియాల్సి ఉంది. ఈ మేరకు ఆ దేశ వార్తా సంస్థ డబ్ల్యూఏఎం తెలిపింది.
రాజ్యాంగం ప్రకారం.. ఏడు ఎమిరేట్స్ దేశాలు 30 రోజుల్లోపు కొత్త అధ్యక్షుడిని ఎన్నుకోవాలి. అప్పటివవరకు వైస్ ప్రెసిడెంట్, దుబాయ్ పాలకుడు అయిన షేక్ మహమ్మద్ బిన్ రషీద్ అల్ మక్తౌమ్ (Sheikh Mohammed bin Rashid al-Maktoum) అధ్యక్షుడిగా వ్యవహరిస్తారు.
1948లో జన్మించిన ఖలీఫా 2004లో అత్యంత ధనిక ఎమిరేట్ అబుదాబిలో అధికారంలోకి వచ్చి దేశాధినేత అయ్యారు. ఇప్పుడాయన సవతి సోదరుడు, క్రౌన్ ప్రిన్స్ అయిన షేక్ మొహమ్మద్ బిన్ జాయెద్ అల్ నహ్యాన్ అబుదాబి తదుపరి పాలకుడు అయ్యే అవకాశం ఉంది.
షేక్ ఖలీఫా మృతికి పలు దేశాల అధినేతలు, ప్రముఖులు సంతాపం తెలిపారు. ఖలీఫా మృతి నేపథ్యంలో ప్రభుత్వంలోని అన్ని మంత్రిత్వశాఖలతో పాటు ప్రైవేటు రంగంలోనూ దాదాపు 40 రోజులపాటు సంతాప దినాలు ప్రకటించారు. అలాగే, మూడు రోజులపాటు సెలవులు ప్రకటించారు.