Shopping Mallsగా బస్‌ డిపోలు
ABN, First Publish Date - 2022-05-10T16:32:39+05:30
నగరంలోని ఎంటీస్‌ బస్‌ డిపోలను షాపింగ్‌ మాల్స్‌గా మార్చనున్నట్లు రవాణా శాఖ మంత్రి ఎస్‌ఎస్‌ శివశంకర్‌ తెలిపారు. శాసనసభలో సోమవారం ప్రశ్నోత్తరాల సమయంలో...
చెన్నై/పెరంబూర్‌: నగరంలోని ఎంటీస్‌ బస్‌ డిపోలను షాపింగ్‌ మాల్స్‌గా మార్చనున్నట్లు రవాణా శాఖ మంత్రి ఎస్‌ఎస్‌ శివశంకర్‌ తెలిపారు. శాసనసభలో సోమవారం ప్రశ్నోత్తరాల సమయంలో ఎమ్మెల్యే ప్రభాకర్‌ రాజా మాట్లాడుతూ వడపళని బస్టాండ్‌ను ఆధునికీకరించాలని కోరారు. ఇందుకు మంత్రి శివశంకర్‌ బదులిస్తూ బస్‌ డిపోలను షాపింగ్‌ మాల్స్‌గా మార్చే పథకానికి చెన్నై మెట్రో ట్రాన్స్‌పోర్ట్‌ కార్పొరేషన్‌ (ఎంటీసీ) పరిధిలోని 16 బస్‌ డిపోలు, బస్టాండ్లు ఎంపిక చేశామన్నారు. తమిళనాడు అంతర్గత నిర్మాణ అభివృద్ధి కమిటీ నిధుల సహాకారంతో ఈ ప్రణాళిక సాధ్యాసాధ్యాలపై నివేదిక సిద్ధం చేసి ముఖ్యమంత్రి దృష్టికి తీసుకెళ్లనున్నామని చెప్పారు. వడపళని బస్టాండ్‌ను కూడా ఆధునికీకరించనున్నట్లు మంత్రి తెలిపారు.