ఫిజియోథెరపి మంచి ఆలోచనేనా..
ABN, First Publish Date - 2022-05-12T20:08:42+05:30
బైపిసితో నేను ఇంటర్‌ చదువుతున్నాను. మెడికల్‌ ఎంట్రెన్స్‌ కోసం సిద్ధం అవుతున్నాను. సీటు రావడం కష్టం అనిపిస్తోంది. ఫిజియోథెరపి మంచి ఆలోచనేనా..
బైపిసితో నేను ఇంటర్‌ చదువుతున్నాను. మెడికల్‌ ఎంట్రెన్స్‌ కోసం సిద్ధం అవుతున్నాను. సీటు రావడం కష్టం అనిపిస్తోంది. ఫిజియోథెరపి మంచి ఆలోచనేనా.. హోమియోపతి, ఆయుర్వేద కెరీర్‌లు ఎలా ఉంటాయి. నాకు సలహా ఇవ్వగలరు?
- అనూష, ఏలూరు
మీరు మెడిసిన్‌ రావడం సందేహమే అంటున్నారు కాబట్టి మొదట బయాలజీతో ఏయే కెరీర్‌ల్లోకి వెళ్లవచ్చో ఒక లిస్టు రాసుకోండి. ప్యూర్‌ సైన్స్‌, పారామెడికల్‌, అగ్రికల్చర్‌, ఫార్మసీ, న్యూట్రిషన్‌, ఎన్విరాన్‌మెంట్‌, వెటర్నరీ తదితరాలతోపాటు మెడిసిన్‌కు ప్రత్యామ్నాయంగా హోమియోపతి, ఆయుర్వేద, యునాని, సిద్ద, నేచురోపతి తదితరాలన్నింటినీ ఒక పేపర్‌ మీద రాసిపెట్టుకోండి. మెడిసిన్‌కు ప్రత్యామ్నాయం కావాలంటే యునాని, హోమియోలాంటివి చూడండి. కాదు అనుకుంటే ఇతర కోర్‌ సబ్జెక్టులను చూడండి. వాటికి కావాల్సిన నైపుణ్యాలు, ఆసక్తులు ఉన్నాయో లేదో ఒకసారి చెక్‌ చేసుకోండి. ఉదాహరణకు ఫిజియోథెరపి చదవాలనుకునేవారు సబ్జెక్టు నాలెడ్జ్‌తోపాటు, మంచి మాటచాతుర్యం, చేతుల్లో నైపుణ్యం ఉంటే బాగా రాణించగలరు. అగ్రికల్చర్‌ సైంటిస్టులు కావాలనుకునేవారు పట్టణాలను వదిలి తరుచుగా గ్రామాలకు వెళ్లాల్సి ఉంటుంది. బయాలజీ, కెమిస్ట్రి తదితరాలు చదివితే టీచింగ్‌ లేదా పరిశోధన వైపు వెళ్లవచ్చు. ఇలా ఎన్నో అవకాశాలు ఉన్నాయని గ్రహించండి.