UNలో హిందీ వినియోగం.. భారత్ విరాళం $8 లక్షలు...
ABN, First Publish Date - 2022-05-12T01:05:14+05:30
నాలుగేళ్ళ నాటి(2018) నుండి, హిందీలో UN వార్తలు UN వెబ్‌సైట్, ట్విట్టర్, ఇన్‌స్టాగ్రామ్ సహా ఫేస్‌బుక్‌లలో సోషల్ మీడియా హ్యాండిల్స్ ద్వారా వ్యాప్తి చెందుతోన్న విషయం తెలిసిందే.
న్యూఢిల్లీ : నాలుగేళ్ళ నాటి(2018) నుండి, హిందీలో UN వార్తలు UN వెబ్‌సైట్, ట్విట్టర్, ఇన్‌స్టాగ్రామ్ సహా ఫేస్‌బుక్‌లలో సోషల్ మీడియా హ్యాండిల్స్ ద్వారా వ్యాప్తి చెందుతోన్న విషయం తెలిసిందే. ఐక్యరాజ్యసమితిలో(UN)లో హిందీ వినియోగాన్ని వివరించడానికి భారతదేశం $ 8 లక్షల విరాళాన్నందించింది. UNలో హిందీ వినియోగాన్ని విస్తరించడం కొనసాగించే ప్రయత్నాలకు భారతదేశం $800,000 విరాళం అందించినట్లు అధికార వర్గాలు వెల్లడించాయి. ఐక్యరాజ్యసమితి డిపార్ట్‌మెంట్ ఆఫ్ గ్లోబల్ కమ్యూనికేషన్స్ డిపార్ట్‌మెంట్ ఆఫ్ డిప్యూటీ డైరెక్టర్ మరియు ఆఫీసర్ ఇన్‌ఛార్జ్(న్యూస్ అండ్ మీడియా డివిజన్) మితా హోసాలికి భారతదేశ డిప్యూటీ శాశ్వత ప్రతినిధి ఆర్.రవీంద్ర ఇందుకు సంబంధఇంచిన చెక్కును అందించారు.
‘హిందీ@UN ప్రచారాన్ని కొనసాగించినందుకు భారతదేశం $800,000 విరాళం ఇచ్చింది" అని UNలో భారతదేశ శాశ్వత మిషన్ ట్వీట్ చేసింది. కాగా... ఐక్యరాజ్యసమితిలో హిందీ వినియోగాన్ని విస్తరించేందుకు భారత ప్రభుత్వం నిరంతర ప్రయత్నాలు చేస్తోందని భారత మిషన్ తెలిపింది. ఈ ప్రయత్నాలలో భాగంగా, 'హిందీ @ UN' ప్రాజెక్ట్, UN పబ్లిక్ ఇన్ఫర్మేషన్ విభాగం సహకారంతో, హిందీ భాషలో ఐక్యరాజ్యసమితి యొక్క ప్రాశస్త్యాన్ని వివరించేందుకు, సంబంధిత ప్రక్రియలను వేగవంతం చేసేందుకు, ప్రపంచవ్యాప్త అవగాహనను పెంచే లక్ష్యంతో 2018 లో ప్రారంభించారు. భారతదేశం 2018 నుండి UN డిపార్ట్‌మెంట్ ఆఫ్ గ్లోబల్ కమ్యూనికేషన్స్(DGC)తో భాగస్వామ్యాన్ని కలిగి ఉన్న విషయం తెలిసిందే, ప్రధాన స్రవంతిలో అదనపు బడ్జెట్ సహకారాన్ని అందించడం సహా DGC సంబంధిత వార్తలు, మల్టీమీడియా కంటెంట్‌ను హిందీ భాషలో ఏకీకృతం చేయడం ద్వారా మిషన్ ఒక ప్రకటనలో వెల్లడించింది. UN న్యూస్-హిందీ ఆడియో బులెటిన్ (UN రేడియో) ప్రతి వారం విడుదల అవుతుంది. దీని వెబ్‌లింక్ UN హిందీ న్యూస్ వెబ్‌సైట్‌లో అందుబాటులో ఉంది. కాగా... ఇదే శైలిని కొనసాగించడానికి, హిందీ@UN ప్రాజెక్ట్ కోసం $8 లక్షలను భారత్ అందించింది.