రైతుబజార్లలో ఆర్గానిక్ స్టాల్స్
ABN, First Publish Date - 2022-05-08T06:36:12+05:30
విశాఖ, విజయనగరంలోని పలు రైతుబజార్లలో త్వరలో పైలెట్ ప్రాజెక్ట్గా ఆర్గానిక్ స్టాల్స్ను కంటైనర్ మోడల్స్లో ఏర్పాటు చేయనున్నట్టు రాష్ట్ర రైతుబజార్ల సీఈవో బి.శ్రీనివాసరావు పేర్కొన్నారు.
పైలెట్ ప్రాజెక్టుగా విశాఖ, విజయనగరం జిల్లాల్లో త్వరలో ఏర్పాటు
రాష్ట్ర రైతుబజార్ల సీఈవో బి.శ్రీనివాసరావు
ఎంవీపీ కాలనీ, మే 7: విశాఖ, విజయనగరంలోని పలు రైతుబజార్లలో త్వరలో పైలెట్ ప్రాజెక్ట్గా ఆర్గానిక్ స్టాల్స్ను కంటైనర్ మోడల్స్లో ఏర్పాటు చేయనున్నట్టు రాష్ట్ర రైతుబజార్ల సీఈవో బి.శ్రీనివాసరావు పేర్కొన్నారు. శనివారం ఉదయం ఆయన ఎంవీపీ కాలనీలోని రైతుబజారును పరిశీలించి స్టాల్స్లోని రైతులతో మాట్లాడారు. పలు స్టాల్స్లో ఫ్లోరింగ్ పాడైపోయి కూరగాయలు పెట్టుకోవడం ఇబ్బందిగా వుందని పలువురు రైతులు సీఈవో దృష్టికి తీసుకువచ్చారు. దీనిపై పరిశీలన జరిపి ఎస్టిమేట్స్ రూపొందించి టెండర్లు పిలవాలని ఇంజనీరింగ్ శాఖ అధికారులను ఆయన ఆదేశించారు. హోల్సేల్ రైతులమైన తమకు నెలవారీ చెల్లించే అద్దెలు ఎక్కువగా వున్నాయని వాటిని తగ్గించాలని పలువురు కోరారు. త్వరలో రైతుబజార్లతో సీసీ కెమెరాలను ఏర్పాటు చేస్తామని, ఎంవీపీ రైతుబజారులో పార్కింగ్ సమస్యకు చెక్ పెడతామని శ్రీనివాసరావు పేర్కొన్నారు. పార్కింగ్కు టెండర్ల ప్రక్రియ ఫైనల్ దశలో వుందని, వారం రోజుల్లోగా పూర్తిచేస్తామన్నారు. ఈ కార్యక్రమంలో జిల్లా రైతుబజార్ల ఇన్చార్జి పాపారావు, అగ్రికల్చర్ డీడీ మోహన్రావు, వ్యవసాయ మార్కెటింగ్ శాఖ ఏడీ కాళేశ్వరరావు, ఈఈ జయశేఖర్, డీఈ కెనడీ, తదితరులు పాల్గొన్నారు.