-
-
Home » Andhra Pradesh » Guntur » sajjala-MRGS-AndhraPradesh
-
బెయిల్ రద్దు చేయాలని హైకోర్టును ఆశ్రయిస్తాం: Sajjala
ABN , First Publish Date - 2022-05-11T22:31:25+05:30 IST
మాజీ మంత్రి, టీడీపీ సీనియర్ నాయకుడు నారాయణకు ..
అమరావతి: ఏపీ మాజీ మంత్రి, TDP సీనియర్ నాయకుడు Narayanaకు బెయిల్ రద్దు చేయాలని హైకోర్టును ఆశ్రయిస్తామని AP ప్రభుత్వ సలహాదారు సజ్జల రామకృష్ణారెడ్డి తెలిపారు. నారాయణ విద్యా సంస్థల్లో వంద శాతం ఉత్తీర్ణత కోసం ఓ వ్యవస్థ మాల్ ప్రాక్టీసుకు పాల్పడుతూ పిల్లల జీవితాలలో ఆడుకుంటోందని ఆరోపించారు. ఇలాంటి ఘటనలు పునరావృతం కాకుండా ఉండేందుకు ప్రభుత్వం కఠినంగా వ్యవహరిస్తుందన్నారు. అమరావతిలో బుధవారం ఆయన మీడియాతో మాట్లాడారు.నారాయణ అరెస్టుపై చంద్రబాబు స్పందించిన తీరు బాధాకరమన్నారు. ఓ విప్లవకారుడిని అరెస్టు చేసినట్లు హడావిడి చేస్తున్నారని.. మాల్ ప్రాక్టీస్కు పాల్పడిన వారిపై చర్యలు తీసుకోకుండా వదిలిపెట్టాలా? అని సజ్జల ప్రశ్నించారు. ప్రశ్నపత్రాల లీకేజీతో సంబంధం ఉన్నందువల్లే నారాయణను పోలీసులు అరెస్టు చేశామని, రాజకీయ ముసుగులో ఎన్ని రోజులు తప్పించుకుంటారో చూస్తామన్నారు.