అరుదైన పసుపు పెంగ్విన్.. కెమెరా కళ్లబడింది!
ABN, First Publish Date - 2021-02-20T09:58:43+05:30
పెంగ్విన్ అనగానే పొట్టి కాళ్లతో, నలుపు తెలుపు రంగుతో నీళ్లలో ఈదుతూ ఉండే పక్షి మన కళ్ల ముందు కదలాడుతుంది. అయితే వీటిలో ఇప్పటి వరకూ లేని విధంగా కలర్‌ఫుల్‌గా ఉన్న ఓ పెంగ్విన్ కెమెరా కంటబడింది.
సౌత్ జార్జియా: పెంగ్విన్ అనగానే పొట్టి కాళ్లతో, నలుపు తెలుపు రంగుతో నీళ్లలో ఈదుతూ ఉండే పక్షి మన కళ్ల ముందు కదలాడుతుంది. అయితే వీటిలో ఇప్పటి వరకూ లేని విధంగా కలర్‌ఫుల్‌గా ఉన్న ఓ పెంగ్విన్ కెమెరా కంటబడింది. ఈ వింత సౌత్ జార్జియాలో వెలుగు చూసింది. దీన్ని వైవ్స్ ఆడమ్స్ అనే వైల్డ్‌లైఫ్ ఫొటోగ్రాఫర్ తన కెమెరాలో బంధించారు. ఇక్కడి బీచ్‌లో 1.2లక్షల పెంగ్విన్లు ఉండగా.. ఇదొక్కటే ఇలా పసుపు రంగులో మెరిసిపోతూ కనిపించిందట.
దీని గురించి ఆడమ్స్ మాట్లాడుతూ.. ‘‘ఇది ఓ లూసిజం అనే వ్యాధితో బాధపడుతున్న పెంగ్విన్ అయ్యుండొచ్చు. అంటే ఈ పెంగ్విన్ శరీరంలో నలుపురంగు ఈకలను సృష్టించడానికి అవసరమైన మెలనిన్ ఉత్పత్తి కాకపోవడంతోనే పసుపు రంగులోకి మారి ఉండొచ్చు’’ అని వెల్లడించాడు. లూసిజం అనేది పక్షుల్లో అరుదుగా కనిపించే వ్యాధి. ఇది సోకిన పక్షులు తమ రంగును కోల్పోతాయి.