సాయం కోరని నక్క!
ABN, First Publish Date - 2021-02-21T05:59:02+05:30
ఒక అడవిలో ఒక నక్క నివసించేది. ఒకరోజు ఆహారం కోసం వెళ్లిన దానికి దారిలో నది కనిపించింది. అవతలి వైపు వెళ్లాలంటే ఆ నదిని దాటాలి. ‘‘నేను చాలా సులువుగా ఈతకొట్టుకుంటూ అవతలి ఒడ్డుకు చేరుకుంటాను’’ అని నక్క అనుకుంది...
ఒక అడవిలో ఒక నక్క నివసించేది. ఒకరోజు ఆహారం కోసం వెళ్లిన దానికి దారిలో నది కనిపించింది. అవతలి వైపు వెళ్లాలంటే ఆ నదిని దాటాలి. ‘‘నేను చాలా సులువుగా ఈతకొట్టుకుంటూ అవతలి ఒడ్డుకు చేరుకుంటాను’’ అని నక్క అనుకుంది. అయితే నీటి ప్రవాహం ఎక్కువగా ఉండడం చూసి నక్క మొదట్లో భయపడింది. కానీ వేరే దారిలేక నీటిలోకి అడుగేసింది. అయితే నీటి వేగానికి ఎదురెళ్లడం నక్క వల్ల కాలేదు. నదిలో కర్రలు వేసి వాటి సాయంతో ఒడ్డుకు చేరుకోవాలనుకుంది. కానీ నీళ్లలో కొట్టుకుపోయి సమీపంలోని చిన్న గుంతలో పడింది. ఒళ్లంతా గాయాలయ్యాయి. శక్తి అంతా అయిపోవడంతో కదలేని స్థితిలో ఉంది. అదే సమయంలో అటువైపుగా వెళుతున్న ఒక పంది నక్క దగ్గరకు వచ్చి ‘ఓ నక్క... నువ్వు చాలా బాధలో ఉన్నట్టున్నావు?’’ అంది. అప్పుడు నక్క ‘‘అవును’’ అని చెప్పింది. ‘‘నీ గాయాలపై ఉన్న పురుగులు నీ రక్తం తాగేస్తున్నాయి. నేను వాటిని తరిమేస్తాను’ అన్నది పంది. దానికి నక్క ‘‘ఈ పురుగులు ఇప్పటికే కడుపునిండా నా రక్తం తాగాయి. నువ్వు వీటిని వెళ్లగొడితే కొత్తవి వస్తాయి. అవి నా రక్తాని తాగడం మొదలెడతాయి. దయచేసి నీ సాయం నాకు అక్కరలేదులే’’ అని పందితో చెప్పింది. సాయం చేస్తామని ఎవరైనా అన్నప్పుడు మనకు మేలు జరుగుతుందా, హాని జరుగుతుందా అనేది గ్రహించాలని నక్కను చూస్తే తెలుస్తుంది.