జగన్‌కు ప్రజాస్వామ్యం గురించి మాట్లాడే అర్హత ఉందా..?: అచ్చెన్నాయుడు

అమరావతి, అక్టోబరు 18 (ఆంధ్రజ్యోతి): వైసీపీ అధినేత వైఎస్ జగన్ మోహన్ రెడ్డిపై ఆంధ్రప్రదేశ్ మంత్రి కింజరాపు అచ్చెన్నాయుడు (AP Minister Atchannaidu) తీవ్ర ఆగ్రహం వ్యక్తం చేశారు. నేడు ప్రజాస్వామ్యం గురించి ప్రశ్నిస్తున్నా ఆయన.. 2020 స్థానిక సంస్థల ఎన్నికల్లో ప్రతిపక్షాలపై జరిగిన దాడులకు ఏమని సమాధానం చెబుతారని నిలదీశారు. ఈరోజు (ఆదివారం) అమరావతి వేదికగా మీడియాతో మంత్రి అచ్చెన్నాయుడు మాట్లాడారు. మాచర్లలో బోండా ఉమామహేశ్వరరావు, బుద్ధా వెంకన్నల వాహనంపై దాడి జరిగినప్పుడు జగన్‌కు ప్రజాస్వామ్యం, రాజ్యాంగం గుర్తుకురాలేదా..? అని ప్రశ్నల వర్షం కురిపించారు. పుంగనూరులో జనసేన అభ్యర్థి నామినేషన్ పత్రాలు చింపివేశారనే ఆరోపణలపై జగన్ ప్రభుత్వం గతంలో ఏం చర్యలు తీసుకుంది..? అని ప్రశ్నల వర్షం కురిపించారు.

ఆ ఆర్డినెన్స్ ఎందుకు తీసుకొచ్చారు..?

నాడు టీడీపీ, జనసేన అభ్యర్థులను నామినేషన్లు వేయకుండా అడ్డుకున్నారనే ఫిర్యాదులకు సమాధానం ఇవ్వకుండా ఇప్పుడు జగన్ నీతులు చెప్పడమేంటి..? అని మంత్రి అచ్చెన్నాయుడు నిలదీశారు. ఎన్నికల సంఘం స్వతంత్రత గురించి మాట్లాడే జగన్.. నిమ్మగడ్డ రమేశ్ కుమార్ పదవీకాలాన్ని తగ్గిస్తూ ఆర్డినెన్స్ ఎందుకు తీసుకొచ్చారు..? అని నిలదీశారు. నిమ్మగడ్డ రమేశ్‌పై తీసుకున్న చర్యలను ఏపీ హైకోర్టు కొట్టివేసిన విషయం జగన్‌కు గుర్తులేదా..? అని ప్రశ్నించారు. వైసీపీ హయాంలో స్థానిక ఎన్నికల్లో పెద్దసంఖ్యలో ఏకగ్రీవాలు జరిగినప్పుడు వచ్చిన బెదిరింపులు, బలవంతపు ఉపసంహరణల ఆరోపణలకు సమాధానం ఏం చెబుతారు..? అని నిలదీశారు.

ఎవరూ తప్పు చేసినా చట్టప్రకారం చర్యలు..

ఆనాడు జగన్ హయాంలో వైసీపీ దాడులు, బెదిరింపుల మధ్య టీడీపీ కార్యకర్తల ప్రాణాలను కాపాడుకోవడమే ప్రశ్నార్థకంగా మారిందని, చివరకు స్థానిక సంస్థల ఎన్నికలను బహిష్కరించాల్సిన పరిస్థితి ఏర్పడిందని మరిచిపోయావా జగన్..? అని మంత్రి ధ్వజమెత్తారు. పుంగనురులో ఎంపీ మిథున్‌రెడ్డి ఘటనపై జగన్ చేసిన ఆరోపణలతో సహా ఎన్నికల హింసపై నిష్పాక్షికమైన దర్యాప్తు జరగాలని డిమాండ్ చేశారు. ఎవరూ తప్పు చేసినా చట్టప్రకారం చర్యలు తప్పవని మంత్రి అచ్చెన్నాయుడు స్పష్టం చేశారు.

ఈ వార్తలు కూడా చదవండి..

మున్సిపల్ ఎన్నికలు.. మేయర్ అభ్యర్థులపై ఉత్కంఠ.. సీఎం నిర్ణయంపై ఆసక్తి

రాయచోటి, పుంగనూరు ఘటనలపై నివేదిక కోరాం.. చర్యలు తీసుకుంటాం: ఏపీ ఎస్‌ఈసీ

రాయచోటిలో కిరాయి ముఠాలతో ప్రజలను భయపెట్టాలని చూసే ఊరుకోం.. వైసీపీపై మండిపల్లి ధ్వజం

Read Latest AP News And Telangana News And National News

And Telugu News