ప్రత్యేక రైళ్లలో వేలాది బెర్తులు ఖాళీ.. రెగ్యులర్‌ రైళ్లకే ఆదరణ

ABN , Publish Date - Oct 17 , 2026 | 09:04 AM

పండుగ సీజన్‌లో రద్దీగా ఉన్నప్పటికీ రెగ్యులర్‌ రైళ్లకే ప్రయాణికుల ఆదరణ లభిస్తోంది.

ప్రత్యేక రైళ్లలో వేలాది బెర్తులు ఖాళీ.. రెగ్యులర్‌ రైళ్లకే ఆదరణ

Special Trains

ప్రత్యేక రైళ్లకు ప్రయాణికుల కొరత
పండుగ రోజుల్లోనూ రెగ్యులర్‌ రైళ్లకే ఆదరణ

హైదరాబాద్‌ సిటీ: పండుగ సీజన్‌లో రద్దీగా ఉన్నప్పటికీ రెగ్యులర్‌ రైళ్లకే ప్రయాణికుల ఆదరణ లభిస్తోంది. ప్రత్యేకరైళ్లలో ప్రయాణించేందుకు విముఖత వ్యక్తం చేస్తున్నారు. పండుగ సందర్భంగా ప్రకటించిన పలు ప్రత్యేక రైళ్లలో వందల సంఖ్యలో రిజర్వేషన్‌ బెర్తులు/సీట్లు ఖాళీగా ఉండడమే ఇందుకు నిదర్శనం. రెగ్యులర్‌ రైళ్లైతే పండుగ రోజుల్లోనూ సాధారణ చార్జీలే ఉండడం, రాకపోకల విషయంలో సమయపాలన పాటించడం, కోచ్‌ల నిర్వహణ మెరుగ్గా ఉంటుండడంతో వాటివైపే ప్రయాణికులు మొగ్గు చూపుతున్నారని అధికారులు చెబుతున్నారు.

ప్రత్యేకరైళ్లు ఇందుకు పూర్తి భిన్నంగా ఎప్పుడు బయల్దేరుతాయో, ఎప్పటికి గమ్యానికి చేరుతాయో తెలియని దుస్థితి నెలకొనడంతో ప్రయాణికులు ప్రత్యామ్నాయ మార్గాలను చూసుకుంటున్నట్లు ఆ సంఘాల ప్రతినిధులు వాపోతున్నారు. ప్రత్యేకరైళ్లలోని కోచ్‌లలో మౌలికవసతులు, రైళ్ల రాకపోకల్లో సమయపాలన పాటిస్తే, అదనపు చార్జీలు కొంత భారమే అయినప్పటికీ ప్రయాణికులు ప్రత్యేకరైళ్లకు రెండో ప్రాధాన్యతను ఇచ్చే అవకాశం ఉంటుందని ప్యాసింజర్స్‌ అసోసియేషన్లు ఆశాభావం వ్యక్తం చేస్తున్నాయి.

city2.2.jpg ప్రత్యేక రైళ్ల ఖాళీ బెర్తుల లెక్క ఇదీ..