స్థానిక ఎన్నికల్లో కూటమి అభ్యర్థులను గెలిపించండి: హోం మంత్రి అనిత

అనకాపల్లి జిల్లా, అక్టోబరు 29 (ఆంధ్రజ్యోతి): స్థానిక సంస్థల ఎన్నికల్లో కూటమి అభ్యర్థులను గెలిపించాలని ఆంధ్రప్రదేశ్ హోం మంత్రి వంగలపూడి అనిత (AP Home Minister Vangalapudi Anitha) కోరారు. పాయకరావుపేట నియోజకవర్గానికి ఎన్నో పరిశ్రమలను తీసుకొచ్చామని వ్యాఖ్యానించారు. స్టీల్ ప్లాంట్ రాకతో స్థానిక యువతకు పెద్ద ఎత్తున ఉపాధి అవకాశాలు రానున్నాయని పేర్కొన్నారు. ఈరోజు (గురువారం) అనకాపల్లి జిల్లాలోని పాయకరావుపేట నియోజకవర్గం నక్కపల్లి మండలంలో హోం మంత్రి అనిత పర్యటించారు.

దేవవరం గ్రామంలోని వినాయక, ఆంజనేయస్వామి ఆలయాల్లో ప్రత్యేక పూజలు నిర్వహించారు. దేవవరం, గొడ్డిచర్ల గ్రామాల్లో స్థానిక ఎన్నికల ప్రచారం చేశారు. ఇంటింటికీ వెళ్లి కూటమి అభ్యర్థులకు ఓట్లు వేసి గెలిపించాలని ప్రజలను అభ్యర్థించారు. ఈ సందర్భంగా అనిత మీడియాతో మాట్లాడారు. ముఖ్యమంత్రి చంద్రబాబు నాయకత్వంలో ఆర్నబ్ తుఫాన్‌ను సమర్థవంతంగా ఎదుర్కొన్నామని తెలిపారు. కూటమి పాలనలో గ్రామాలను అభివృద్ధి చేస్తున్నామని వెల్లడించారు. స్థానిక ఎన్నికల్లో యువతకు కూటమి ప్రాధాన్యం ఇచ్చిందని హోం మంత్రి అనిత పేర్కొన్నారు.

ఈ వార్తలు కూడా చదవండి..

ఆర్నబ్ తుఫాన్ బాధితులకు సీఎం చంద్రబాబు భారీ ఊరట

ఆర్నబ్ తుఫాన్ నష్టంపై సమగ్ర అంచనా వేయండి.. అధికారులకు సీఎం ఆదేశం

ఆర్నబ్ తుఫాన్ బాధితులకు పూర్తి అండగా ఉంటాం: హోం మంత్రి అనిత

Read Latest AP News And Telangana News And National News

And Telugu News