ఏపీ అసెంబ్లీలో వైసీపీ వాకౌట్.. 11 నిమిషాల్లోనే మాజీ సీఎం జగన్ బయటకు..
ABN , Publish Date - Feb 11 , 2026 | 10:45 AM
ఆంధ్రప్రదేశ్ అసెంబ్లీ బడ్జెట్ సమావేశాలు బుధవారం ఉదయం 10:00 గంటలకు ప్రారంభమయ్యాయి. సభ ఆరంభమైన కాసేపటికే వైసీపీ సభ్యులు అసెంబ్లీ నుంచి వాకౌట్ చేశారు.
అమరావతి,, ఫిబ్రవరి 11(ఆంధ్రజ్యోతి): ఆంధ్రప్రదేశ్ అసెంబ్లీ బడ్జెట్ సమావేశాలు బుధవారం ఉదయం 10:00 గంటలకు ప్రారంభమయ్యాయి. సభ ఆరంభమైన కాసేపటికే వైసీపీ సభ్యులు అసెంబ్లీ నుంచి వాకౌట్ చేశారు. మాజీ ముఖ్యమంత్రి, వైసీపీ అధినేత వైఎస్ జగన్మోహన్ రెడ్డి సహా వైసీపీ ఎమ్మెల్యేలంతా 11 నిమిషాల వ్యవధిలోనే అసెంబ్లీ నుంచి బయటకు వెళ్లిపోయారు. తిరుమల లడ్డూ గోవిందా, గోవిందా అంటూ లాబీల్లో నినాదాలు చేశారు. ఈ సమయంలో జై జగన్ అనే నినాదాలని వైసీపీ సభ్యులు చేయగా.. నినాదాలు చేయొద్దని జగన్ వారించినట్లు తెలుస్తోంది. జగన్ చెప్పిన వినకుండా మరింత బిగ్గరగా సభ్యులు అరిచారు. సరిగ్గా 10 గంటలకు అసెంబ్లీలోకి వైసీపీ సభ్యులు వెళ్లి.. కేవలం 11 నిమిషాల పాటు నినాదాలు చేసి వైసీపీ సభ్యులు బయటకు వచ్చారు. వైసీపీ
ప్రారంభమైన వెంటనే..
ఏపీ అసెంబ్లీ సమావేశాలు ప్రారంభమైన వెంటనే ప్రతిపక్షం, అధికార పక్షాల మధ్య వాగ్వాదం చోటుచేసుకున్నట్లు సమాచారం. కీలక అంశాలపై చర్చకు అవకాశం ఇవ్వలేదని ఆరోపిస్తూ వైసీపీ సభ్యులు అసంతృప్తి వ్యక్తం చేసినట్లు తెలుస్తోంది. సభలో తమకు మాట్లాడే అవకాశం ఇవ్వలేదని, ప్రజా సమస్యలను ప్రస్తావించడానికి అనుమతి ఇవ్వలేదని వైసీపీ సభ్యులు పేర్కొన్నారని సమాచారం. దీంతో వారు ఆగ్రహం వ్యక్తం చేస్తూ వాకౌట్ నిర్ణయం తీసుకున్నట్లు తెలుస్తోంది.
11 నిమిషాల్లోనే బయటకు..
సభ ప్రారంభమైన కేవలం 11 నిమిషాల్లోనే జగన్తో పాటు వైసీపీ సభ్యులు సభను వీడటం చర్చనీయాంశమైంది. అసెంబ్లీ చరిత్రలో ఇంత తక్కువ సమయంలో వాకౌట్ చేయడం హాట్ టాపిక్గా మారింది. వైసీపీ నేతల ప్రకారం.. ప్రజా సమస్యలపై చర్చకు అవకాశం ఇవ్వకపోవడం ప్రజాస్వామ్య విరుద్ధమని పేర్కొన్నారు. తమకు సరైన సమయం కేటాయించకుండా సభను ముందుకు నడపడం తగదని అన్నారు. అలాగే ప్రభుత్వ విధానాలపై ప్రశ్నలు అడగకుండా అడ్డుకుంటున్నారని ఆరోపించారు. సభలో తమ స్వరాన్ని వినిపించుకునే అవకాశం లేకపోవడంతో వాకౌట్ చేయడం తప్ప మరో మార్గం లేదని అభిప్రాయం వ్యక్తం చేశారు.
అధికారపక్ష స్పందన..
అధికార పక్షం వైసీపీ వాకౌట్ను రాజకీయ డ్రామాగా అభివర్ణించినట్లు సమాచారం. సభలో చర్చకు సరైన సమయం కేటాయించామని, అవసరంలేని వివాదం సృష్టించడమే లక్ష్యంగా ప్రతిపక్షం వ్యవహరిస్తోందని పేర్కొన్నారు. ప్రజా సమస్యలపై చర్చకు ప్రభుత్వం ఎప్పుడూ సిద్ధంగానే ఉందని, సభను సజావుగా నడిపించడమే తమ ఉద్దేశమని అధికార పక్షనేతలు స్పష్టం చేసినట్లు తెలుస్తోంది.
అసెంబ్లీ వెలుపల నినాదాలు..
అసెంబ్లీ నుంచి వైసీపీ సభ్యులు వాకౌట్ చేసిన అనంతరం అసెంబ్లీ వెలుపల వైసీపీ సభ్యులు నినాదాలు చేశారు. ‘జై జగన్’ అంటూ మద్దతుదారులు, ఎమ్మెల్యేలు ఆందోళన వ్యక్తం చేశారు. దీంతో కాసేపు అక్కడ ఉద్రిక్త వాతావరణం నెలకొంది. పోలీసులు, భద్రతా సిబ్బంది అప్రమత్తంగా ఉండి పరిస్థితిని నియంత్రించారు. ఎలాంటి అవాంఛనీయ ఘటనలు జరగకుండా జాగ్రత్తలు తీసుకున్నారు. రాబోయే రోజుల్లో అసెంబ్లీ సమావేశాలు ఎలా సాగుతాయన్నది ఆసక్తికరంగా మారింది. ప్రతిపక్షం మరిన్ని నిరసనలు చేపట్టే అవకాశాలు ఉన్నాయని ప్రచారం జరుగుతోంది.
ఈ వార్తలు కూడా చదవండి..
పంచాయతీరాజ్ ఉద్యోగి ఆస్తులపై ఏసీబీ రైడ్స్.. ఇరు తెలుగు రాష్ట్రాల్లో సోదాలు..
అటవీ శాఖ భారీ రెస్క్యూ ఆపరేషన్.. పులి కదలికలపై 4G కెమెరాలతో నిఘా..
Read Latest Telangana News And AP News And Telugu News
