అదానీ గ్రూప్ ఎనర్జీ మానిటరింగ్ సెంటర్‌ను సందర్శించిన మంత్రి లోకేశ్

ABN , Publish Date - Sep 26 , 2026 | 07:49 AM

ఆంధ్రప్రదేశ్ విద్య, ఐటీ శాఖల మంత్రి నారా లోకేశ్ అహ్మదాబాద్‌లో పర్యటించి, పలు కార్యక్రమాల్లో పాల్గొన్నారు. ఈ సందర్భంగా మంత్రి లోకేశ్ ఎక్స్(X) వేదికగా పోస్టు పెట్టారు.

అదానీ గ్రూప్ ఎనర్జీ మానిటరింగ్ సెంటర్‌ను సందర్శించిన మంత్రి లోకేశ్

AP Minister Nara Lokesh

అమరావతి, సెప్టెంబర్ 26 (ఆంధ్రజ్యోతి): ఆంధ్రప్రదేశ్ విద్య, ఐటీ శాఖల మంత్రి నారా లోకేశ్ (AP Minister Nara Lokesh) అహ్మదాబాద్‌లో పర్యటించి, పలు కార్యక్రమాల్లో పాల్గొన్నారు. ఈ సందర్భంగా మంత్రి లోకేశ్ ఎక్స్(X) వేదికగా పోస్టు పెట్టారు.

పోస్టులో ఏం చెప్పారంటే..

‘నా అహ్మదాబాద్ పర్యటన సందర్భంగా, అదానీ గ్రూప్ వారి అత్యాధునిక ఎనర్జీ మానిటరింగ్ సెంటర్‌ను సందర్శించే అవకాశం నాకు లభించింది. పూర్తిగా సమీకృతమైన ప్లాట్‌ఫారమ్ ద్వారా, వారి విద్యుత్ ఉత్పాదన ఆస్తులను నిజ సమయంలో పర్యవేక్షిస్తారు. ఇది మెరుగైన సామర్థ్యం, వేగవంతమైన నిర్ణయాలు తీసుకోవడం, పని నిలిచిపోయే సమయాన్ని తగ్గించడం వంటి వాటికి వీలు కల్పిస్తుంది. భారీస్థాయి ఇంధన మౌలిక సదుపాయాల నిర్వహణ విధానాన్ని సాంకేతికత, డేటా ఎలా మారుస్తున్నాయో చూడటం అద్భుతంగా అనిపించింది. నిన్న సాయంత్రం నాకు ఆతిథ్యం ఇచ్చిన నా మిత్రుడు కరణ్ అదానీకి ధన్యవాదాలు’ అని లోకేశ్ పోస్టు పెట్టారు.