తెలంగాణ సైబర్ సెక్యూరిటీ బ్యూరో X అకౌంట్ హ్యాక్..

హైదరాబాద్, జూన్ 9 (ఆంధ్రజ్యోతి): సైబర్ నేరాల నియంత్రణ, డిజిటల్ భద్రత కోసం పనిచేసే తెలంగాణ సైబర్ సెక్యూరిటీ బ్యూరో (TSCB) సోషల్ మీడియా ఎక్స్ అకౌంట్ హ్యాక్ అయింది. ఒకప్పుడు దేశంలోనే అత్యుత్తమ సైబర్ సెక్యూరిటీ సంస్థగా తెలంగాణ సైబర్ సెక్యూరిటీ బ్యూరో గుర్తింపు పొందింది. మే 22వ తేదీన జరిగిన ఈ హ్యాకింగ్ ఘటనను అధికారులు దాదాపు 20 రోజుల అవుతున్నా గుర్తించలేకపోయారు. అయితే ఈ వ్యవహారం బయటకు వచ్చిన తర్వాతే సంబంధిత అధికారులు అప్రమత్తమయ్యారు.

సైబర్ నేరాలపై అవగాహన కల్పించడం, ఆన్‌లైన్ మోసాలను అరికట్టడం, హ్యాకింగ్ ఘటనలను గుర్తించి చర్యలు తీసుకోవడం వంటి కీలక బాధ్యతలు నిర్వహించే సంస్థకే ఈ పరిస్థితి ఎదురుకావడం చర్చనీయాంశంగా మారింది. తెలంగాణ సైబర్ సెక్యూరిటీ బ్యూరో గతంలో అనేక సైబర్ నేరాలను ఛేదించి జాతీయ స్థాయిలో ప్రశంసలు అందుకుంది. దేశంలోనే అత్యాధునిక సైబర్ దర్యాప్తు వ్యవస్థలను ఉపయోగిస్తున్న సంస్థగా పేరుపొందింది. అలాంటి సంస్థకు చెందిన సోషల్ మీడియా ఖాతా హ్యాక్ కావడం, మే 22వ తేదీన జరిగిన ఈ ఘటనను గుర్తించకపోవడం భద్రతా వ్యవస్థలపై ప్రశ్నలు లేవనెత్తుతోంది.

ఈ ఘటనపై సోషల్ మీడియాలో నెటిజన్లు కూడా తీవ్రంగా స్పందిస్తున్నారు. సైబర్ భద్రతకు మార్గదర్శకంగా నిలవాల్సిన సంస్థ తన ఖాతాను సురక్షితంగా ఉంచుకోకపోతే సాధారణ ప్రజల పరిస్థితి ఏమిటని ప్రశ్నిస్తున్నారు. హ్యాకింగ్ ఘటన ఎలా జరిగింది?, ఖాతా భద్రతలో ఎలాంటి లోపాలు చోటుచేసుకున్నాయి? అనే విషయాలపై అధికారులు దర్యాప్తు జరుపుతున్నట్లు సమాచారం. తెలంగాణ సైబర్ సెక్యూరిటీ బ్యూరో X అకౌంట్ హ్యాకింగ్ ఘటన ప్రస్తుతం రాష్ట్రవ్యాప్తంగా చర్చనీయాంశంగా మారింది. ఈ ఘటనపై సమగ్ర విచారణ చేపట్టి భవిష్యత్తులో ఇలాంటి సంఘటనలు పునరావృతం కాకుండా కట్టుదిట్టమైన భద్రతా చర్యలు తీసుకోవాలని పలువురు సూచిస్తున్నారు.

ఈ వార్తలు కూడా చదవండి...

గుజరాత్‌కు ఎన్నాళ్లు గులాంలుగా ఉంటారు?: సీఎం రేవంత్‌

ప్రతి నియోజకవర్గంలో అంబేడ్కర్ నాలెడ్జ్ సెంటర్ ఏర్పాటు చేస్తాం: భట్టి విక్రమార్క

Read Latest Telangana News And AP News And National News

And Telugu News