హైదరాబాద్‌లో యువకుడి హత్య.. చున్నీతో బిగించి చంపిన వివాహిత

హైదరాబాద్, సెప్టెంబర్ 29 (ఆంధ్రజ్యోతి): హైదరాబాద్‌లోని మంగళ్ హాట్ పోలీస్ స్టేషన్ పరిధి రహింపురాలో సాయినాథ్ సింగ్ (26) అనే యువకుడిని ఓ మహిళ హత్య చేసింది. వివాహిత అనిషా సింగ్‌ను గతకొంతకాలంగా అతడు వేధిస్తున్నాడు. ఈ క్రమంలో యువకుడిని తన పుట్టింటికి పిలిపించి చున్నీని మెడకు బిగించి చంపేసింది. ఇన్‌స్పెక్టర్ రాఘవేంద్ర తెలిపిన వివరాల ప్రకారం.. శివలాల్ నగ‌ర్‌లో అనిషా సింగ్, ఆమె భర్త లకన్ సింగ్‌.. నలుగురు పిల్లలతో కలిసి నివసిస్తున్నారు. అదే ప్రాంతంలో నివసించే సాయినాథ్ సింగ్ తరచుగా తనను వేధిస్తుండటంతోనే దారుణ హత్యకు పాల్పడింది. ఇటీవల సాయినాథ్ సింగ్ తనను వేధిస్తున్నట్లు భర్తకు, కొంతమందికి చెప్పడంతో వారందరూ ఆమెను వేధించవద్దని యువకుడిని హెచ్చరించారు.

అయినప్పటికీ నిన్న (సోమవారం) అనిషా సింగ్‌కు ఫోన్ చేసి తనను కలవాలని సాయినాథ్ సింగ్ వేధించాడు. సమీపంలోని రహీంపురాలో ఉన్న తన పుట్టింటికి రావాలని ఆమె సూచించింది. వెంటనే అక్కడకు వచ్చిన యువకుడిని చున్నీని మెడకు చుట్టి ఈ హత్యకు పాల్పడింది. అనిషా సింగ్‌తో పాటు కొంతమంది అతడిని చంపేందుకు సహకరించినట్లు పోలీసులు అనుమానిస్తున్నారు. తన ఇంటికి సాయినాథ్ సింగ్ వచ్చిన సమయంలో అనిషా సింగ్ భర్త లకన్ సింగ్ బయటకు వెళ్లినట్లు తెలుస్తోంది.

ఈ ఘటన జరిగిన సమయంలో ఆమె భర్త ఇంట్లో లేడని ఓ పనిమీద బయటకు వెళ్లి ఉండవచ్చని పోలీసులు భావిస్తున్నారు. ఈ విషయాలను నిర్ధారించుకునేందుకు రహీంపురా పరిసర ప్రాంతాల్లోని సీసీటీవీ ఫుటేజీలను పోలీసులు పరిశీలిస్తున్నారు.

ఘటనా స్థలాన్ని పరిశీలించిన డీసీపీ, ఏసీపీలు..

ఘటనా స్థలాన్ని గోల్కొండ జోన్ డీసీపీ జె. రాఘవేందర్ రెడ్డి, కుల్సుంపురా డివిజన్ ఏసీపీ వి.తిరుపతి పరిశీలించారు. స్థానికులతో మాట్లాడి పోలీసులు వివరాలు సేకరించారు. క్లూస్ టీమ్‌తో కలిసి పోలీసులు విచారణ చేస్తున్నారు. దర్యాప్తు అనంతరం పూర్తి వివరాలను పోలీసులు వెల్లడించనున్నారు.

ఈ వార్తలు కూడా చదవండి..

ఖైరతాబాద్ ఉప ఎన్నికలో దిమ్మ తిరిగే రిజల్ట్స్ వస్తాయి: దానం నాగేందర్

భాగ్యనగరంలో మైకుల మోతపై నటుడు అల్లు శిరీశ్ ఫిర్యాదు

ఎంపీల అనర్హత పిటిషన్ల ఆలస్యంపై సుప్రీంకోర్టు సంచలన వ్యాఖ్యలు

Read Latest Telangana News And AP News And National News

And Telugu News