హైదరాబాద్‌ పాతబస్తీలో అగ్నిప్రమాదం

హైదరాబాద్‌, ఆగస్టు 19 (ఆంధ్రజ్యోతి): హైదరాబాద్‌ పాతబస్తీలోని ఫతే దర్వాజా ప్రాంతంలో అగ్నిప్రమాదం జరిగింది. హుస్సేనీ ఆలం పోలీస్‌ స్టేషన్‌ పరిధిలోని మూడు అంతస్తుల భవనంలోని మూడో అంతస్తులో ఒక్కసారిగా మంటలు చెలరేగాయి. మంటలు వేగంగా వ్యాపించడంతో స్థానికులు ఆందోళనకు గురయ్యారు. ఈ ఘటన సమయంలో ఇంట్లో ఎవరూ లేకపోవడంతో అదృష్టవశాత్తూ ఎలాంటి ప్రాణనష్టం జరగలేదు.

అగ్నిప్రమాదంపై సమాచారం అందుకున్న వెంటనే అగ్నిమాపక అధికారులు ఘటనాస్థలికి చేరుకున్నారు. అధికారులు సకాలంలో స్పందించడంతో మంటలు ఇతర అంతస్తులకు, సమీపంలోని భవనాలకు వ్యాపించకుండా నివారించారు. అయితే మూడో అంతస్తులోని ఇంట్లో ఆస్తి నష్టం జరిగినట్లు తెలుస్తోంది.

పాతబస్తీలో ఇలాంటి ఇరుకైన ప్రాంతాల్లో అగ్నిప్రమాదాలు సంభవించినప్పుడు మంటలను అదుపు చేయడం, సహాయక చర్యలు చేపట్టడం సవాలుగా మారుతుంటుంది. ఈ ఘటనకు గల కచ్చితమైన కారణాలు ఇంకా తెలియాల్సి ఉంది. షార్ట్‌ సర్క్యూట్‌ లేదా ఇతర కారణాలతో మంటలు చెలరేగాయా అనే కోణంలో అధికారులు దర్యాప్తు చేస్తున్నారు. ఈ ఘటనకు సంబంధించిన పూర్తి వివరాలు, ఆస్తి నష్టం, అగ్నిప్రమాదానికి గల కారణాలపై అధికారుల నుంచి మరింత సమాచారం వెలువడాల్సి ఉంది.

వార్తలు కూడా చదవండి...

హరీశ్‌రావు కాదు.. అబద్దాల రావు.. మంత్రి పొంగులేటి సెటైర్లు

ఆ భూములను లాక్కుంటే.. చూస్తూ ఊరుకోం.. రేవంత్‌ సర్కార్‌కు కవిత వార్నింగ్

కేబీఆర్ చుట్టూ వన్ వే.. వాహనదారులకు సీపీ సజ్జనార్ కీలక సూచనలు

Read Latest AP News And Telangana News And National News

And Telugu News