నిర్మల్‌ జిల్లాలో రోడ్డు ప్రమాదం.. ఇద్దరి మృతి

నిర్మల్ జిల్లా, మార్చి9 (ఆంధ్రజ్యోతి): నిర్మల్ జిల్లా కేంద్రంలో రోడ్డు ప్రమాదం (Nirmal Road Accident) జరిగింది. వేగంగా వెళ్తున్న బైక్ అదుపుతప్పి డివైడర్‌ను ఢీకొనడంతో ఇద్దరు యువకులు అక్కడికక్కడే మృతి చెందారు. ఈ ఘటన స్థానికంగా తీవ్ర విషాదాన్ని కలిగించింది. నిర్మల్ పట్టణంలోని గోల్డెన్ ఫంక్షన్ హాల్ సమీపంలో ఈ ప్రమాదం చోటుచేసుకుంది. ఇద్దరు యువకులు ఒకే బైక్‌పై ప్రయాణిస్తున్నారు. ఈ సమయంలో ద్విచక్రవాహనం అకస్మాత్తుగా అదుపు తప్పి రోడ్డుమధ్యలో ఉన్న డివైడర్‌ను బలంగా ఢీకొట్టింది. అయితే ప్రమాదం తీవ్రంగా ఉండటంతో ఇద్దరు యువకులు అక్కడికక్కడే ప్రాణాలు కోల్పోయారు. ఈ సంఘటన చూసిన స్థానికులు వెంటనే పోలీసులకు సమాచారం అందించారు. పోలీసులు ఘటన స్థలానికి చేరుకుని పరిస్థితిని పరిశీలించారు. మృతదేహాలను పోస్టుమార్టం నిమిత్తం సమీప ప్రభుత్వ ఆస్పత్రికి తరలించారు.

మృతుల వివరాలివే..

ఈ ప్రమాదంలో మృతిచెందిన వారి వివరాలను పోలీసులు గుర్తించారు. మంజులాపూర్‌కు చెందిన సృజన్ (33), నటరాజ్ నగర్‌కు చెందిన పృథ్వీరాజ్ (34) తెలిపారు. ఇద్దరూ స్నేహితులని.. వ్యక్తిగత పనుల నిమిత్తం బయలుదేరిన సమయంలో ఈ ప్రమాదం జరిగి ఉంటుందని పోలీసులు భావిస్తున్నారు. ఇద్దరు యువకులు మృతి చెందడంతో వారి కుటుంబాల్లో తీవ్ర విషాదం నెలకొంది. ఈ వార్త తెలుసుకున్న బంధువులు, స్నేహితులు ఘటన స్థలానికి చేరుకుని కన్నీరుమున్నీరుగా విలపించారు. స్థానిక ప్రజలు కూడా ఈ ఘటనపై తీవ్ర దిగ్భ్రాంతి వ్యక్తం చేస్తున్నారు.

పోలీసుల విచారణ..

ఈ ప్రమాదం ఎలా జరిగిందనే విషయంపై పోలీసులు దర్యాప్తు ప్రారంభించారు. బైక్ వేగం ఎక్కువగా ఉండటమే ఈ ప్రమాదానికి కారణమై ఉండొచ్చని ప్రాథమికంగా అనుమానిస్తున్నారు. అదేవిధంగా హెల్మెట్ ధరించారా లేదా అనే అంశంపై కూడా పోలీసులు విచారణ చేస్తున్నారు.

రోడ్డు భద్రతపై సూచనలు..

ఈ ఘటన నేపథ్యంలో పోలీసులు వాహనదారులకు పలు సూచనలు చేశారు. అధిక వేగంతో వాహనాలు నడపకూడదని, తప్పనిసరిగా హెల్మెట్ ధరించాలని సూచించారు. రోడ్డు భద్రతపై అవగాహన లేకపోవడం వల్లే ఇలాంటి ప్రమాదాలు జరుగుతున్నాయని పోలీసులు తెలిపారు.

ఈ వార్తలు కూడా చదవండి..

విద్యార్థినులకు గుడ్ న్యూస్ చెప్పిన సీఎం రేవంత్‌రెడ్డి

తెలంగాణ ఉద్యమంలో మహిళల పాత్ర కీలకం: కేసీఆర్

Read Latest International News And Telangana News And AP News And Telugu News