శ్రీశైలం మల్లన్న ఆలయానికి రికార్డు ఆదాయం

శ్రీశైలం, మార్చి 21(ఆంధ్రజ్యోతి): శ్రీశైలం మల్లికార్జున స్వామి దేవస్థానంలో భక్తుల రద్దీ పెరుగుతున్న నేపథ్యంలో హుండీ ఆదాయం రికార్డు స్థాయికి చేరింది. ముఖ్యంగా ఉగాది మహోత్సవాల సందర్భంగా భక్తులు పెద్దఎత్తున కానుకలు సమర్పించడంతో దేవస్థానానికి భారీ ఆదాయం లభించింది.

30 రోజుల్లో రూ.7.19 కోట్లకు పైగా ఆదాయం

దేవస్థాన అధికారులు నిర్వహించిన తాజా హుండీ లెక్కింపులో రూ.7,19,58,064 నగదు లభించింది. ఇది కేవలం 30 రోజుల వ్యవధిలో వచ్చిన ఆదాయం కావడం విశేషం. ఈ ఆదాయం గత నెలలతో పోలిస్తే గణనీయంగా పెరిగింది.

బంగారం, వెండి, విదేశీ కరెన్సీ..

హుండీ లెక్కింపులో నగదు మాత్రమే కాకుండా విలువైన వస్తువులు కూడా స్వామివారికి భక్తులు సమర్పించారు. బంగారం: 122 గ్రాములు 200 మిల్లీగ్రాములు, వెండి: 6 కిలోల 550 గ్రాములు, విదేశీ కరెన్సీ: వివిధ దేశాలకు చెందిన నోట్ల రూపంలో స్వామివారికి కానుకగా సమర్పించారు.

ఉగాది మహోత్సవాల ప్రభావం..

ఉగాది పర్వదినం సందర్భంగా తెలుగు రాష్ట్రాల నుంచే కాకుండా మహారాష్ట్ర, కర్ణాటకల నుంచి భక్తులు శ్రీశైలం మల్లన్న ఆలయానికి పోటెత్తారు. హుండీ లెక్కింపు ప్రక్రియను ఆలయ కార్యనిర్వహణాధికారి (EO), ఆలయ సిబ్బంది సమక్షంలో పారదర్శకంగా నిర్వహించారు. సీసీటీవీ కెమెరాల నిఘాలో లెక్కించారు. భక్తులు సమర్పించిన విదేశీ కరెన్సీని బ్యాంక్ అధికారుల ద్వారా విలువ కట్టనున్నారు.

ఈ వార్తలు కూడా చదవండి..

అకాల వర్షాలతో పంట దెబ్బతిన్న రైతన్నలను ఆదుకుంటాం: సీఎం చంద్రబాబు

దేవుడి సాక్షిగా నేను రాసినవన్నీ నిజాలే.. వైఎస్ విజయలక్ష్మి షాకింగ్ కామెంట్స్

‘ఆస్కార్’ రేంజ్‌లో అవినాశ్‌ ప్రెస్‌మీట్.. బీటెక్ రవి సెటైర్లు

Read Latest AP News And Telangana News And International News And Telugu News