స్థానిక ఎన్నికల్లో జనసేన గౌరవం తగ్గకుండా చూస్తా: పవన్ కల్యాణ్

కాకినాడ జిల్లా, సెప్టెంబర్ 22 (ఆంధ్రజ్యోతి): స్థానిక ఎన్నికలపై ఆంధ్రప్రదేశ్ ఉప ముఖ్యమంత్రి పవన్ కల్యాణ్ (AP Deputy CM Pawan Kalyan) కీలక వ్యాఖ్యలు చేశారు. ఈ ఎన్నికల్లో జనసేన గౌరవం తగ్గకుండా చూస్తానని స్పష్టం చేశారు. పిఠాపురాన్ని దేశంలోనే నంబర్ వన్ చేయడమే తన లక్ష్యమని ఉద్ఘాటించారు. గెలుపు, ఓటముల గురించి తాను ఎప్పుడూ ఆలోచించలేదని తెలిపారు. పిఠాపురంలో పలు అభివృద్ధి కార్యక్రమాల్లో డిప్యూటీ సీఎం పాల్గొన్నారు. ఈరోజు (మంగళవారం) పిఠాపురంలో ఏర్పాటు చేసిన సభలో పదిమంది లబ్ధిదారులకు ఇళ్ల పట్టాలను పవన్ కల్యాణ్ తన చేతుల మీదుగా అందజేశారు. ఈ సందర్భంగా ఆయన ప్రసంగించారు.

కూటమి బలంగా ఉండాలి..

కూటమి బలంగా ఉండాలని పవన్ కల్యాణ్ ఆకాంక్షించారు. నేతలు అందరూ కలిసి పనిచేయాలని ఆదేశించారు. తనకు కృతజ్ఞత ఎక్కువ అని.. కష్టాల్లో ఉన్న మనిషికి అండగా ఉండటం తన గుణమని వ్యాఖ్యానించారు. ఎంపీ సీట్లు త్యాగం చేయడం వల్లనే జనసేనకు గుడ్ విల్‌తో పనులు జరుగుతున్నాయని పేర్కొన్నారు. జనసేన గౌరవానికి భంగం వాటిల్లకూడదని అన్నారు. గెలుపు, ఓటముల గురించి తాను ఎప్పుడూ ఆలోచించలేదని చెప్పారు. మూడు నెలల్లో పిఠాపురంలో తన క్యాంప్ ఆఫీస్ తెరుస్తానని స్పష్టం చేశారు. పిఠాపురంలో జనసేన కమిటీ ఎందుకు సరిగా పనిచేయట్లేదని ప్రశ్నించారు. తన క్యాంప్‌ ఆఫీస్‌ను పిఠాపురంలో పెట్టాలని అధికారులకు సూచించారు. పిఠాపురాన్ని అభివృద్ధి చేయడమే తన లక్ష్యమని పవన్‌ కల్యాణ్‌ పేర్కొన్నారు.

పిఠాపురంలో రూ.225 కోట్లతో అండర్‌గ్రౌండ్‌ డ్రైనేజీ నిర్మాణం..

పిఠాపురంలో రూ.225 కోట్లతో అండర్‌గ్రౌండ్‌ డ్రైనేజీ నిర్మాణం జరుగుతోందని పవన్‌ కల్యాణ్‌ వెల్లడించారు. రూ.34 కోట్లతో ఆలయాల అభివృద్ధి, పునరుద్ధరణ పనులు జరుగుతున్నాయని చెప్పుకొచ్చారు. మొబైల్‌ క్యాన్సర్‌ స్క్రీనింగ్‌ వాహనాలు ఏర్పాటు చేశామని వివరించారు. రోజుకు 72 లక్షల లీటర్ల సామర్థ్యంతో 2 STPల నిర్మాణం చేపట్టామని తెలిపారు. 40 టన్నుల తడి చెత్త శుభ్రం చేసే ప్లాంటు.. ఐదుచోట్ల పబ్లిక్‌ టాయిలెట్లను ఏర్పాటు చేశామని చెప్పారు. భవిష్యత్తులో కూటమి నేతలు కలిసి పనిచేయాలని పవన్‌ కల్యాణ్‌ సూచించారు.

ఈ వార్తలు కూడా చదవండి..

జూనియర్ డాక్టర్లకు ఏపీ సర్కార్ శుభవార్త.. స్టైపెండ్ పెంచుతూ ఉత్తర్వులు జారీ

ఏపీలో అతిభారీ వర్షాలు.. అధికారులు అప్రమత్తంగా ఉండాలి: హోం మంత్రి అనిత

పోలీసులు కొట్టడం వల్లే సాయికృష్ణ చనిపోయాడు: సిట్

Read Latest AP News And Telangana News And National News

And Telugu News