పవన్ కల్యాణ్ మానవత్వం.. కళాకారుల ఆరోగ్యానికి ప్రత్యేక చర్యలు

అమరావతి, ఆగస్టు 6 (ఆంధ్రజ్యోతి): నిరంతర ఒత్తిడితో కుంగిపోయిన వారి జీవితాల్లోకి ఆంధ్రప్రదేశ్ ఉప ముఖ్యమంత్రి పవన్ కల్యాణ్ (AP Deputy CM Pawan Kalyan) కొత్త వెలుగును తీసుకువస్తున్నారు. కేవలం వైద్య పరీక్షలు నిర్వహించి అక్కడితో ఆగకుండా, ఆయన 141 మందికి కళ్లజోడు అందజేశారు. గత నెలలో, విజయవాడలో ఆంధ్రప్రదేశ్ హస్తకళల అభివృద్ధి సంస్థ నిర్వహించిన హస్తకళల మహోత్సవ ప్రారంభోత్సవానికి ముఖ్య అతిథిగా పవన్ కల్యాణ్ హాజరైన విషయం తెలిసిందే. ఈ నేపథ్యంలో కళాకారులతో డిప్యూటీ సీఎం గాఢమైన అనుబంధాన్ని ఏర్పరచుకున్నారు. ఈ సందర్భంగా పలువురు హస్తకళాకారులు తమ వృత్తిలో నిమగ్నమైనప్పుడు ఎదుర్కొంటున్న ఆరోగ్య సమస్యలను ఉప ముఖ్యమంత్రి దృష్టికి తీసుకువచ్చారు. నరసాపురం నియోజకవర్గంలోని పసలదివికి చెందిన క్రోచెట్ లేస్ కళాకారిణి మహాలక్ష్మి తన ఆరోగ్య సమస్యలను వివరించారు.

141 మందికి కళ్లద్దాలను అందజేసిన పవన్..

గంటల తరబడి చిన్న చిన్న నమూనాలను చూస్తూ ఉండటంతో తన కంటిచూపు క్షీణిస్తోందని మహాలక్ష్మి వివరించారు. తనకు కంటి పరీక్షలు చేయాలని ఆమె అభ్యర్థించారు. అదే వేదికపై ఉన్న పవన్ కల్యాణ్ వెంటనే స్పందించారు. ఏపీ వ్యాప్తంగా హస్తకళాకారుల కోసం క్లస్టర్ల వారీగా ఉచిత వైద్య శిబిరాలను నిర్వహించాలని ఉప ముఖ్యమంత్రి అధికారులను ఆదేశించారు. గత నెల నరసాపురంలో క్రోచెట్ లేస్ కళాకారుల కోసం నిర్వహించిన కంటి సంరక్షణ శిబిరంలో, 141 మందికి కళ్లద్దాలు అవసరమని వైద్యులు గుర్తించారు. ఆ 141 మందికి కళ్లద్దాలను డిప్యూటీ సీఎం అందజేశారు. అలాగే, మరిన్ని కంటి సంరక్షణ శిబిరాలకు సన్నాహాలు కొనసాగుతున్నాయి.

క్లస్టర్ల వారీగా ఉచిత వైద్య శిబిరాలు..

పవన్ కల్యాణ్ ఆదేశాల మేరకు, హస్తకళాకారుల కోసం ఉచిత వైద్య శిబిరాలు క్లస్టర్ల వారీగా కొనసాగుతున్నాయి. క్రోచెట్ లేస్ కళాకారుల కోసం నిర్వహించిన మొదటి కంటి సంరక్షణ శిబిరంలో పరీక్షలు చేయించుకున్న వారికి కళ్లద్దాలు సిద్ధం చేశారు. అలాగే, పోలవరం ప్రాంతంలోని ఏలమంచిలి, అత్తిలిలో మరో రెండు శిబిరాలు పూర్తి అయ్యాయి. ఈ రెండు శిబిరాల్లో దృష్టి లోపాలతో గుర్తించిన మరో 350 మందికి కూడా ఉప ముఖ్యమంత్రి కళ్లద్దాలు అందజేస్తున్నారు. 20 మందికి పైగా వ్యక్తుల్లో శుక్లాల సమస్యలను వైద్యులు గుర్తించారు. వారికి శస్త్రచికిత్స చికిత్సలు అందిస్తున్నారు. క్రోచెట్ లేస్ కళాకారుల కోసం అచాంట్, నరసాపురంలో మరో రెండు కంటి సంరక్షణ శిబిరాలను నిర్వహించాలని డిప్యూటీ సీఎం పవన్ కల్యాణ్ యోచిస్తున్నారు.

వార్తలు కూడా చదవండి...

విశాఖ ఎకనామిక్ రీజియన్ ప్రాజెక్టుపై సీఎం చంద్రబాబు స్పెషల్ ఫోకస్

పవన్ కల్యాణ్ ఆదేశాలతో పులుల మరణాలపై అధికారుల ముమ్మర తనిఖీలు.. పట్టుబడ్డ పులిగోర్లు

ప్రపంచ స్థాయి క్రీడాకారులను పీవీ సింధు అకాడమీ తయారు చేస్తోంది: లోకేశ్

Read Latest Telangana News And AP News And National News

And Telugu News