నా ఛాంప్‌తో కలిసి ఉగాది వేడుకలు.. మంత్రి నారా లోకేశ్ ఆసక్తికర పోస్టు

అమరావతి, మార్చి 19 (ఆంధ్రజ్యోతి): ఆంధ్రప్రదేశ్ విద్య, ఐటీ శాఖల మంత్రి నారా లోకేశ్ (AP Minister Nara Lokesh) తన కుమారుడు దేవాన్ష్‌తో కలిసి ఉగాది వేడుకలు నిర్వహించుకున్నారు. రాజకీయాల్లో ఎంత బిజీగా ఉన్నా, పండుగ వేళ కుటుంబంతో గడిపిన క్షణాలను ఆయన సోషల్ మీడియా ఎక్స్ వేదికగా పంచుకున్నారు. తన కుమారుడు దేవాన్ష్‌ను ‘నా ఛాంప్’ అని సంబోధిస్తూ, ఆయనతో కలిసి దిగిన ఫొటోలను ఎక్స్‌లో షేర్ చేశారు. ఉగాది పచ్చడి తీపి, చేదుల కలయికలాగే.. ఈ కొత్త సంవత్సరంలో అందరి జీవితాల్లో తీపి క్షణాలు (సంతోషాలు) ఎక్కువగా ఉండాలని, చేదు అనుభవాలు (కష్టాలు) తగ్గాలని ఆయన ఆకాంక్షించారు.

లోకేశ్ తన ఫిట్‌నెస్ కోసం చాలా కఠినమైన డైట్ పాటిస్తుంటారని అందరికీ తెలిసిందే. అయితే, ఉగాది పండుగ వంటకాల రుచిని ఆస్వాదించేందుకు ఒక్క రోజు తన డైట్‌కు సెలవు (Break) ఇచ్చానని సరదాగా పేర్కొన్నారు. ఈ సందర్భంగా తెలుగు ప్రజలందరికీ ‘హ్యాపీ ఉగాది’ అంటూ తన పోస్ట్ ద్వారా విషెస్ తెలిపారు. సాధారణంగా లోకేశ్ తన డైట్, వర్కవుట్స్ విషయంలో చాలా సీరియస్‌గా ఉంటారు. కానీ పండుగ పూట ఇంట్లో చేసే బొబ్బట్లు, ఉగాది పచ్చడి వంటి వంటకాలను వదులుకోలేక డైట్ పక్కన పెట్టడం ఆయనలోని సాదాసీదా మనిషిని చూపిస్తోంది. నెటిజన్లు కూడా ‘డైట్ బ్రేక్ చేయడం మంచిదే సార్, పండుగను ఎంజాయ్ చేయండి’ అంటూ సరదాగా కామెంట్స్ చేస్తున్నారు.

ఈ వార్తలు కూడా చదవండి..

ఐదు రకాల బస్సుల్లో దివ్యాంగులు ఉచితంగా ప్రయాణించొచ్చు: సీఎం

విశాఖ రైల్వేజోన్ కార్యకలాపాలు త్వరలో ప్రారంభం: అశ్వినీ వైష్ణవ్

జగన్ హయాంలో వివేకా హత్య కేసులో ఏ ఒక్క ఆధారమైనా ఎందుకు బయటపెట్టలేదు.. షర్మిల ధ్వజం

Read Latest AP News And Telangana News And International News And Telugu News