‘నీలం, తోతాపురి కలర్‌’ ధరల పెరుగుదల

ABN , Publish Date - Jul 10 , 2026 | 12:25 PM

మామిడి కాయల సీజన్‌ మరో పది రోజుల్లో ముగియనుంది. ఇపుడు ధరలు పెరగడంతో మామిడి రైతులు కాస్త ఊరట చెందారు.

Mango Prices Rise

సీజన్‌ ఆఖరులో మామిడి రైతులకు కాస్త ఊరట

రైల్వేకోడూరు(తిరుపతి): మామిడి కాయల సీజన్‌ మరో పది రోజుల్లో ముగియనుంది. ఇపుడు ధరలు పెరగడంతో మామిడి రైతులు కాస్త ఊరట చెందారు. ప్రధానంగా తోతాపురి కలర్‌ కాయలు, నీలం కాయల ధరలు పుంజుకున్నాయి. నీలం రకం మొదటి రకం కాయలు (గ్రేడ్‌-1) టన్ను రూ.20వేల నుంచి రూ. 25వేలకు చేరింది. రెండో రకం (గ్రేడ్‌-2) టన్ను రూ.10వేల నుంచి రూ.15వేల వరకు ధర పలుకుతోంది.

ఈ కాయలను మహారాష్ట్ర, మధ్యప్రదేశ్‌, కర్ణాటక, రాజస్థాన్‌, గుజరాత్‌, నాగపూర్‌, తమిళనాడు తదితర రాష్ట్రాలకు రవాణా చేస్తున్నారు. అలాగే తోతాపురి (కలర్‌ కాయలు) టన్ను రూ.8వేల నుంచి రూ.14వేల వరకు ధరలు పలుకుతున్నాయి. వీటి ధరలు పెరిగే అవకాశాలున్నాయని రైతులు, వ్యాపారులు అంటున్నారు.