కర్బూజా సాగుతో రూ.10లక్షల ఆదాయం

ABN , Publish Date - Jul 22 , 2026 | 01:00 PM

అనంతపురం జిల్లా రొద్దం మండలంలోని ఆర్‌.కొట్టాల గ్రామానికి చెందిన రైతు తిరుపాల్‌నాయుడు నాలుగు ఎకరాల్లో కర్భూజా పంటను సాగుచేశాడు.

Anantapur farmer, success

నాలుగు ఎకరాల్లో పంట సాగు
70 రోజుల్లో 66 టన్నుల దిగుబడి
కిలో రూ. 15 లెక్కన వ్యాపారుల కొనుగోలు

రొద్దం(అనంతపురం): అనంతపురం జిల్లా రొద్దం మండలంలోని ఆర్‌.కొట్టాల గ్రామానికి చెందిన రైతు తిరుపాల్‌నాయుడు నాలుగు ఎకరాల్లో కర్భూజా పంటను సాగుచేశాడు. దుక్కిదున్నడానికి విత్తనాలు, మల్చింగ్‌షీట్‌, కూలి ఖర్చులు, మందుల పిచికారి కోసం రూ.3.3లక్షలు ఖర్చుపెట్టాడు. గోల్డెన్‌గోరీ రకానికి చెందిన విత్తనాన్ని 26 ప్యాకెట్లు నాటాడు.

karbu1.2.jpg కేవలం 70రోజుల్లో పంట చేతికి వచ్చింది. ఇప్పటి వరకు 66టన్నుల దిగుబడి రాగా కిలో రూ.15చొప్పున వ్యాపారులు కొనుగోలు చేశారు. రూ.10లక్షల ఆదాయం వచ్చినట్లు తిరుపాల్‌నాయుడు తెలిపాడు. కేవలం 70రోజుల్లో రూ. పది లక్షలు ఆదాయం రావడంతో రైతు ఆనందానికి అవధులు లేకుండాపోయింది.