Viral Video: నెటిజన్ల మనసును కట్టిపడేస్తున్న వృద్ధ జంట వీడియో.. ఈ వయసులో ఈ ప్రేమ బంధమే కదా కావాల్సిందంటూ..!
ABN , First Publish Date - 2023-05-20T16:03:19+05:30 IST
చాలా మంది దంపతులు వివాహమైన కొత్తలో సంతోషంగానే ఉంటారు. కానీ వైవాహిత జీవితంలోకి అడుగుపెట్టిన తర్వాత నెలలు కూడా గడవకుండానే గొడవ పడుతుంటారు. చీటికీమాటికీ ఒకరిపై ఇంకొకరు నిందలు వేసుకుంటూ వాగ్వాదాలకు దిగుతుంటారు. ఈ గొడవలు చివరకు చిలికి చిలికి గాలివానలా మారి.. జీవితాలను కూడా నాశనం చేస్తుంటాయి. అయితే..
చాలా మంది దంపతులు వివాహమైన కొత్తలో సంతోషంగానే ఉంటారు. కానీ వైవాహిత జీవితంలోకి అడుగుపెట్టిన తర్వాత నెలలు కూడా గడవకుండానే గొడవ పడుతుంటారు. చీటికీమాటికీ ఒకరిపై ఇంకొకరు నిందలు వేసుకుంటూ వాగ్వాదాలకు దిగుతుంటారు. ఈ గొడవలు చివరకు చిలికి చిలికి గాలివానలా మారి.. జీవితాలను కూడా నాశనం చేస్తుంటాయి. అయితే మరికొందరు దంపతులు మాత్రం.. కష్టసుఖాలతో సంబంధం లేకుండా జీవితాన్ని సంతోషంగా గడుపుతుంటారు. ఇంకొందరు దంపతులు వృద్ధాప్యంలో కూడా అంతే సంతోషంతో లైఫ్‌ని ఎంజాయ్ చేస్తుంటారు. ఇలాంటి దంపతులకు సంబంధించిన వీడియోలు సోషల్ మీడియాలో తరచూ చూస్తూ ఉంటాం. తాజాగా ఇలాంటి వీడియో ఒకటి నెట్టింట తెగ వైరల్ అవుతోంది. ఓ వృద్ధ జంట వీడియోను చూసిన నెటిజన్లు.. ఈ వయసులోనూ ఈ ప్రేమ బంధమే కదా కావాల్సింది.. అంటూ కామెంట్లు పెడుతున్నారు.
సోషల్ మీడియాలో ఓ వృద్ధ జంట వీడియో (Viral video) తెగ చక్కర్లు కొడుతోంది. వివాహమైన మొదట్లో ఉన్న ప్రేమానురాగాలను వృద్ధాప్యంలోనూ ఒకరిపై ఇంకొకరు కురిపించుకుంటూ అందరికీ ఆదర్శంగా నిలుస్తున్నారు. కుర్చీలో కూర్చుని ఉన్న వృద్ధుడి వద్దకు (elderly couple) వచ్చిన భార్య.. తన ప్రేమను వ్యక్తపరుస్తూ బాలీవుడ్ సింగర్ లతా మంగేష్కర్ (Bollywood singer Lata Mangeshkar) పాడిన ‘‘జిందగీ కి నా టూటే లడి’’ పాటకు ఎక్స్‌ప్రెషన్ ఇస్తుంది. ఇద్దరూ ఎంతో చక్కగా పాటకు లిప్ సింక్ చేస్తూ.. అద్భుతంగా నటిస్తారు.
ఈ పాటను నిజంగా వారే పాడారేమో అన్నట్లుగా వారి ముఖ కవలికలు ఉంటాయి. ఈ వీడియో ప్రస్తుతం నెట్టింట తెగ హల్‌చల్ చేస్తోంది. దీనిపై నెటిజన్లు కామెంట్ల వర్షం కురిపిస్తున్నారు. ‘‘ఇలాంటి దంపతులు చాలా అరుదుగా ఉంటారు’’.. అని కొందరు, ‘‘ఇలాంటి ప్రేమ ఎంత మందికి ఉంటుంది’’.. అని మరికొందరు, ‘‘ఈ వృద్ధ జంటను చూస్తుంటే ఎంతో ముచ్చటేస్తోంది’’.. అని ఇంకొందరు కామెంట్లు పెడుతున్నారు. ఈ వీడియో మిలియన్‌కి పైగా వ్యూస్‌ను సొంతం చేసుకుంది. ఇంకెందుకు ఆలస్యం ఈ వీడియో మీరూ ఓసారి లుక్కేయండి..
