హైదరాబాద్‌లో యువకుడిపై కత్తులతో దాడి

హైదరాబాద్, అక్టోబరు 11 (ఆంధ్రజ్యోతి): హైదరాబాద్‌ గోల్కొండలో దర్గా ఉరుసు వేడుకల సమయంలో గోల్కొండ శాంతికమిటీ సభ్యుడు మహ్మద్‌ రహీంపై ఇస్మాయిల్‌, తాహిర్‌ అనే అన్నదమ్ములు కత్తులతో దాడి చేశారు. తీవ్రంగా గాయపడిన యువకుడిని ఉస్మానియా ఆస్పత్రికి తరలించారు. గంజాయి మత్తులో మహ్మద్ రహీంపై ఈ దాడికి పాల్పడ్డారు. కత్తులతో విచక్షణ రహితంగా పొడిచి, గొంతు కోసి వారు పరారయ్యారు.

తీవ్ర గాయాలతో రక్తపు మడుగులో యువకుడు అక్కడే కుప్పకూలాడు. రహీంను హుటాహుటినా ఉస్మానియా ఆస్పత్రికి తరలించారు. యువకుడి పరిస్థితి విషమంగా ఉందని వైద్యులు తెలిపారు. ఈ దాడికి పాల్పడిన వారిలో ఇస్మాయిల్ పోలీసులకు చిక్కినట్లు సమాచారం. మరో నిందితుడు తాహిర్ పరారీలో ఉన్నాడు. అతడి కోసం పోలీసులు ముమ్మరంగా గాలిస్తున్నారు. గోల్కొండ పోలీసులు కేసు నమోదు చేసి దర్యాప్తు చేస్తున్నారు. హత్యాయత్నానికి గల కారణాలపై ఆరా తీస్తున్నారు.

ఈ వార్తలు కూడా చదవండి..

బేబీ రుక్సానాకు మెరుగైన వైద్యం, ఆమె తల్లికి ఉద్యోగం కల్పిస్తాం: మంత్రి దామోదర

జగన్ అక్రమాస్తుల కేసుల్లో వేగం పెంచాలి.. తెలంగాణ హై కోర్టులో ఈడీ పిటిషన్

203 ఆస్పత్రులకు రూ.34.39 కోట్ల జరిమానా: ఎన్టీఆర్ ట్రస్టు చర్యలు

Read Latest Telangana News And AP NewsAnd National News

And Telugu News