372 మంది లబ్ధిదారులకు ఇళ్ల పట్టాలను పంపిణీ చేసిన మంత్రి లోకేశ్
ABN , Publish Date - Sep 28 , 2026 | 08:30 AM
మంగళగిరిలో 80 శాతం ఇళ్ల పట్టాల పంపిణీ పూర్తయిందని ఆంధ్రప్రదేశ్ విద్య, ఐటీశాఖల మంత్రి నారా లోకేశ్ వ్యాఖ్యానించారు. మిగిలిన కేంద్ర ప్రభుత్వ భూముల సమస్యల పరిష్కారానికి సంప్రదింపులు కొనసాగుతున్నాయని వెల్లడించారు.
అమరావతి, సెప్టెంబర్ 28 (ఆంధ్రజ్యోతి): మంగళగిరిలో 80 శాతం ఇళ్ల పట్టాల పంపిణీ పూర్తయిందని ఆంధ్రప్రదేశ్ విద్య, ఐటీశాఖల మంత్రి నారా లోకేశ్ (AP Minister Nara Lokesh) వ్యాఖ్యానించారు. మిగిలిన కేంద్ర ప్రభుత్వ భూముల సమస్యల పరిష్కారానికి సంప్రదింపులు కొనసాగుతున్నాయని వెల్లడించారు. రూ.2వేల కోట్ల విలువైన భూములను పేదలకు అందించామని పేర్కొన్నారు. 5,636 మందికి ఇప్పటికే ఇళ్ల పట్టాలు పంపిణీ చేశామని వెల్లడించారు. ఈరోజు (సోమవారం) 372 మంది లబ్ధిదారులకు ఇళ్ల పట్టాలను లోకేశ్ చేతులమీదుగా పంపిణీ చేశారు. తాడేపల్లి మండలం కుంచనపల్లిలో ’మన ఇల్లు – మన లోకేశ్’ కార్యక్రమం నిర్వహించారు. శ్రీ శ్రీనివాస కన్వెన్షన్స్‌లో పట్టాల పంపిణీలో లోకేశ్ పాల్గొని అందజేశారు. దీర్ఘకాలంగా ప్రభుత్వ భూముల్లో నివసిస్తున్న లబ్ధిదారులకు శాశ్వత పట్టాలను పంపిణీ చేశారు. గత ఎన్నికల్లో ఇచ్చిన హామీ మేరకు పట్టాల సమస్య పరిష్కారానికి లోకేశ్ చర్యలు చేపట్టారు.
విజయవాడలో 24వేల ఇంటి పట్టాలు అందిస్తాం..
2019 ఎన్నికల్లో మంగళగిరిలో ఓడిపోయినప్పుడు తాను కుంగిపోలేదని.. మరోసారి ఇక్కడే గెలవాలని పట్టుదలతో ముందుకెళ్లానని మంత్రి లోకేశ్ స్పష్టం చేశారు. పట్టాల సమస్య పరిష్కరిస్తానని ఎన్నికల్లో హామీ ఇచ్చానని తెలిపారు. ప్రజా సమస్యల పరిష్కారానికి పట్టుదలతో పనిచేస్తున్నామని అన్నారు. త్వరలో విజయవాడలో 24వేల ఇళ్ల పట్టాలు అందిస్తామని చెప్పుకొచ్చారు. మంగళగిరిలో త్వరలో 100 పడకల ఆస్పతిని పూర్తి చేస్తామని వివరించారు. 2029లోపు మంగళగిరిలో గ్యాస్, తాగునీరు, భూగర్భ డ్రైనేజీ కనెక్షన్‌లను అందిస్తామని చెప్పారు. దేశంలోనే ఏ పాఠశాల లేని విధంగా నిడమర్రు స్కూల్‌ను తీర్చిదిద్దామని ఉద్ఘాటించారు. నిడమర్రు స్కూల్ తరహాలో మిగతా స్కూళ్లను తీర్చిదిద్దుతామని పేర్కొన్నారు.
తొలి విడతలో 3,002 మందికి పట్టాలను పంపిణీ చేశాం..
తొలి విడతలో 3,002 మందికి పట్టాలను పంపిణీ చేశామని మంత్రి లోకేశ్ అన్నారు. రెండో విడతలో 2,634 మందికి పట్టాలు అందజేశామని చెప్పారు. మొదటి రెండు విడతల్లో దాదాపు రూ.2 వేల కోట్ల విలువైన భూములకు ఉచిత శాశ్వత పట్టాలను పంపిణీ చేసినట్లు వివరించారు. అటవీ, ఇరిగేషన్, రెవెన్యూ, దేవాదాయ, ఆర్ అండ్ బీ, పంచాయతీరాజ్ భూముల్లో నివసిస్తున్న పేదలకు హక్కులు కల్పించే చర్యలు చేపట్టామని అన్నారు. వివిధ శాఖల సమన్వయంతో భూముల సమస్యలను పరిష్కరించి పట్టాల పంపిణీని చేపట్టామని మంత్రి లోకేశ్ పేర్కొన్నారు.
ఈ వార్తలు కూడా చదవండి..
ఏపీ వార్డు సచివాలయ ఉద్యోగులకు శుభవార్త.. పదోన్నతులకు ప్రభుత్వం గ్రీన్‌సిగ్నల్
విశాఖలో మీడియా సమావేశం పెడతా.. ఆ విషయాలపై మాట్లాడతా: విజయసాయి రెడ్డి
శవ రాజకీయాలు చేసే స్థాయికి వైసీపీ నేతలు దిగజారారు: మంత్రి నిమ్మల
Read Latest AP News And Telangana News And National News
And Telugu News
