Minister Prabhakar on Local Election Schedule: స్థానిక ఎన్నికల షెడ్యూల్‌ విడుదల.. మంత్రి పొన్నం ప్రభాకర్ ఏమన్నారంటే..

హైదరాబాద్, సెప్టెంబరు29 (ఆంధ్రజ్యోతి): స్థానిక సంస్థల ఎన్నికల షెడ్యూల్‌ను (Local body Election) ఇవాళ(సోమవారం) విడుదల చేసింది తెలంగాణ రాష్ట్ర ఎన్నికల సంఘం (Telangana Election Commission). మొదట ఎంపీటీసీ (MPTC), జడ్పీటీసీ (ZPTC) ఎన్నికలు జరుగనున్నాయి. ఆ తర్వాత వార్డులు, సర్పంచ్ ఎన్నికలు (Sarpanch Elections) నిర్వహించనుంది ఎన్నికల సంఘం. అయితే ఎన్నికల షెడ్యూల్‌ విడుదల అనంతరం ఏబీఎన్ ఆంధ్రజ్యోతితో మంత్రి పొన్నం ప్రభాకర్ (Minister Ponnam Prabhakar) మాట్లాడారు. స్థానిక సంస్థల ఎన్నికలకు తమ ప్రభుత్వం అన్ని విధాలుగా సిద్ధంగా ఉందని చెప్పుకొచ్చారు.

ఎన్నికల సంఘం షెడ్యూల్ ఇవ్వడంతో తాము స్థానిక సంస్థల ఎన్నికలకు సిద్ధంగా ఉన్నామని ఉద్ఘాటించారు. కొంతమంది ఉద్దేశపూర్వకంగా కోర్టులను ఆశ్రయించి ఎన్నికలు ఆపాలని చూస్తే చేసేది ఏం లేదని చెప్పుకొచ్చారు. తమ ప్రభుత్వానికి ప్రజల్లో ఎక్కడ వ్యతిరేకత లేదని... అసంతృప్తి లేదని స్పష్టం చేశారు. వందకు వంద శాతం స్థానాలు తామే గెలుస్తామని ధీమా వ్యక్తం చేశారు. ఎంఏయూడీ, హెచ్ఎండీఏ , జిహెచ్ఎంసీలలో అవినీతి జరుగుతోందని ఆరోపణలు చేస్తున్న వారు.. హైదరాబాద్ ఇన్‌చార్జి మంత్రిగా తన దృష్టికి తీసుకురావాలని సూచించారు. రూ. 5లకే బ్రేక్‌ఫాస్ట్ పథకం ద్వారా చాలామంది ఆకలి తీరుతోందని వివరించారు. ప్రస్తుతం బ్రేక్‌ఫాస్ట్ పథకం 80 చోట్ల మాత్రమే అమల్లో ఉందని తెలిపారు. రాబోయే రోజుల్లో 150 డివిజన్లలో అందుబాటులోకి తెస్తామని మంత్రి పొన్నం ప్రభాకర్ పేర్కొన్నారు.

ఈ వార్తలు కూడా చదవండి..

గుడ్ న్యూస్.. మరో గొప్ప పథకం ప్రారంభం

ఎమ్మెల్యేల అనర్హత పిటిషన్లపై విచారణ.. స్పీకర్‌ నిర్ణయంపై ఉత్కంఠ

Read Latest Telangana News and National News