Woman Catching Thief: బ్రూస్‌లీని మించిపోయిందిగా.. చోరీ చేయబోతున్న దొంగను ఏం చేసిందో చూడండి..

చోరీల సమయంలో చిత్రవిచిత్ర ఘటనలు చోటు చేసుకోవడం చూస్తుంటాం. కొందరు దొరక్కుండా చోరీ చేసేందుకు వివిధ రకాలుగా ప్రయత్నిస్తుంటారు. అయితే ఇలాంటి సమయాల్లో కొన్నిసార్లు మొదటికే మోసం వస్తుంటుంది. ఈ తరహా సంఘటనలకు సంబంధించిన వీడియోలు సోషల్ మీడియాలో తెగ వైరల్ అవుతుంటాయి. తాజాగా, ఇలాంటి వీడియో ఒకటి నెట్టింట చక్కర్లు కొడుతోంది. ఓ దొంగ యువతి ఉండగానే చోరీ చేసేందుకు ప్రయత్నించాడు. చివరకు ఏమైందో మీరే చూడండి..

సోషల్ మీడియాలో ఓ వీడియో (Viral Video) తెగ వైరల్ అవుతోంది. ఓ దుకాణంలో యువతి క్యాష్ కౌంటర్ టేబుల్ దగ్గర నిలబడి ఉంది. ఆ సమయంలో అక్కడే కాస్త దూరంలో నిలబడి ఉన్న యువకుడు.. చోరీ చేసేందుకు సిద్ధంగా ఉన్నాడు. యువతి కావడంతో ఏమీ చేయలేదనే ఉద్దేశంతో నేరుగా వెళ్లి.. యువతి పక్కనే టేబుల్‌పై ఉన్న వస్తువును తీసుకుని పారిపోయేందుకు ప్రయత్నించాడు.

అయితే వెంటనే అప్రమత్తమై యువతి.. ఆ దొంగను పట్టుకుని కిందపడేస్తుంది. ఆమె నుంచి విడిపించుకోవడానికి అతను ఎంత ప్రయత్నించినా సాధ్యం కాదు. ఆమె అరుపులకు అక్కడే ఉన్న ఓ వ్యక్తి, ఇంకో యువతి అక్కడికి చేరుకున్నారు. అక్కడికి వచ్చిన వ్యక్తి దొంగను పక్కకు లాగేయాలని చూశాడు. ఆ యువతి మాత్రం అతన్ని వదలకుండా మీద కూర్చుని మరీ చెంపచెల్లుమనిస్తుంది. మధ్యలో మధ్యలో పిడి గుద్దులు గుద్దుతూ చుక్కలు చూపిస్తుంది.

ఆమె దెబ్బలు తాళలేక దొంగ కుయ్యో.. ముర్రో అని అరవడం స్టార్ట్ చేశాడు. ఇలా ఆ యువతి చాలా సేపు ఆ దొంగను చితకబాదుతూనే ఉంది. ఈ ఘటన మొత్తం అక్కడే ఉన్న సీసీ కెమెరాలో రికార్డ్ అయింది. ఈ వీడియో ప్రస్తుతం సోషల్ మీడియాలో తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు. ‘దొంగకు చుక్కలు చూపించిన యువతి’.. అంటూ కొందరు, ‘ఈమె ధైర్యానికి హ్యాట్సాప్ చెప్పాల్సిందే’.. అంటూ మరికొందరు, వివిధ రకాల ఎమోజీలతో ఇంకొందరు కామెంట్లు చేస్తున్నారు. ఈ వీడియో ప్రస్తుతం 360కి పైగా లైక్‌లు, 58 వేలకు పైగా వ్యూస్‌ను సొంతం చేసుకుంది.

ఇవి కూడా చదవండి..

ఎవరి పిచ్చి వారికి ఆనందం.. పెళ్లి ఊరేగింపులో ఈ మహిళల నిర్వాకం చూస్తే..

పూరీలను చేయడంలో.. ఈమె ట్రిక్ చూస్తే మతి పోవాల్సిందే..

మరిన్ని వైరల్ వార్తల కోసం ఇక్కడ క్లిక్ చేయండి