కళ్లు మూసి తెరిచేలోగా.. భోజనాల వద్ద ఇతడి టాలెంట్ చూడండి..

టాలెంట్ అనేది ఎవరి సొత్తూ కాదు అని పెద్దలు అన్నట్లు.. కొందరు పైకి సాధారణంగా అనిపించినా వారిలో ఏదో ఒక ప్రత్యేకత దాగి ఉంటుంది. సందర్భానుసారం ఆ టాలెంట్ బయటికి వస్తుంటుంది. ప్రస్తుతం సోషల్ మీడియా అందుబాటులో ఉండడంతో ఇలాంటి టాలెంట్.. క్షణాల్లో వీడియోల రూపంలో వైరల్ అవుతోంది. తాజాగా, ఈ తరహా వీడియో ఒకటి నెట్టింట చక్కర్లు కొడుతోంది. ఓ వ్యక్తి భోజనాల వద్ద చేసిన నిర్వాకం చూసి అంతా అవాక్కవుతున్నారు. ఈ వీడియో చూసిన వారంతా.. ‘వావ్.. వాట్ ఏ టాలెంట్’.. అంటూ కామెంట్లు చేస్తున్నారు..

సోషల్ మీడియాలో ఓ వీడియో (Viral Video) తెగ వైరల్ అవుతోంది. ఓ శుభకార్యంలో అతిథులంతా భోజనాలు చేస్తున్నారు. అయితే అక్కడ బఫే సిస్టం కాకుండా సహపంక్తి భోజనాలు ఏర్పాటు చేశారు. దీంతో అతిథులంతా కుర్చీల్లో వరుసగా కూర్చొన్నారు. భోజనాలు వడ్డించే సమయం అవగానే.. ముందుగా ఓ వ్యక్తి చేతిలో ప్లేట్లు పట్టుకుని వచ్చాడు. ప్లేటును ఒక్కో వ్యక్తి ముందు పెడుతూ పోవాల్సి ఉండగా.. ఇతను ఆ పనిని వినూత్నంగా చేశాడు.

ఒక చేతిలో ప్లేట్ల కట్టలను పట్టుకుని, మరో చేత్తో ఒక్కో ప్లేటును అత్యంత వేగంగా (man serves plates to guests at fastest) అతిథుల ముందు పెడుతూ వెళ్లాడు. ఇలా కళ్లు మూసి తెరిచేలోగా.. ఓ లైన్ మొత్తం కంప్లీట్ చేసేశాడు. చూస్తుండగానే అతిథులందరికీ ప్లేట్లను అందించాడు. చూసేందుకు ఇది రోబో పని చేస్తున్నట్లుగా అనిపిస్తుంది. ఇతని టాలెంట్ చూసి అక్కడున్న వారంతా అవాక్కయ్యారు. కొందరు దీన్ని వీడియో తీసి, సోషల్ మీడియాలో షేర్ చేశారు.

ఈ వీడియో ప్రస్తుతం సోషల్ మీడియాలోనూ తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు. ‘ఇతను ఈ పనిలో పీహెచ్‌డీ చేసినట్లున్నాడు’.. అంటూ కొందరు, ‘ఈ టాలెంట్ అనితరసాధ్యం’.. అంటూ మరికొందరు, వివిధ రకాల ఎమోజీలతో ఇంకొందరు కామెంట్లు చేస్తున్నారు. ఈ వార్త రాస్తున్న సమయానికి.. ఈ వీడియో 97కి పైగా లైక్‌లు, 1800కి పైగా వ్యూస్‌ను సొంతం చేసుకుంది.

ఇవి కూడా చదవండి..

ఇలాంటి వింతలు కూడా ఉంటాయా.. ఈ రైలు వీడియో చూస్తే నోరెళ్లబెడతారు..

హెల్మెట్‌ను ఇలాక్కూడా వాడొచ్చు.. ఇతడి తెలివి చూస్తే..

మరిన్ని వైరల్ వార్తల కోసం ఇక్కడ క్లిక్ చేయండి..