కొండగట్టు అంజన్నకు చందనోత్సవం.. 60 ఏళ్ల తరువాత వేడుకలు

• 16 నుంచి అయిదు రోజుల పాటు ప్రత్యేక పూజలు

• అంజన్న దర్శనం నిలిపివేత.. 21 నుంచి నిజరూపదర్శనం

• ఏర్పాట్లు చేస్తున్న అధికారులు

మల్యాల(కరీంనగర్): కొండగట్టు ఆంజనేయస్వామి చందనోత్సవాలకు దేవస్థా నం ఆధ్వర్యంలో ప్రత్యేక ఏర్పాట్లు చేస్తున్నారు. 60 ఏళ్ల అనంతరం స్వామి వారి చందనోత్సవాన్ని వైభ వంగా నిర్వహించనున్నారు. దేశంలో ఎక్కడా లేని విధంగా ఇక్కడ ఆంజనేయస్వామి రెండు తలలతో ఉంటారు. తూర్పువైపు నారసింహస్వామి, ఉత్తరం వైపు ఆంజ నేయస్వామిగా భక్తులకు దర్శనం ఇస్తుంటారు.

విగ్రహంపై ఆరు అంగుళాల మేరకు సింధూరం

ఆంజనేయస్వామి వారికి ప్రతీ మంగళ, శనివారం ఆలయ అర్చకులు సింధూర లేపనం వేయడం ఆన వాయి తీగా వస్తోంది. 60 ఏళ్ల క్రితం కొండ గట్టు ఆంజనేయస్వామికి చందనోత్సవం నిర్వహించారని తెలుస్తోంది. ప్రస్తుతం స్వామి వారి మూలవి రాట్టుపై ఆరు అంగుళాల మేరకు సింధూరం ఏర్పడింది. స్వామి వారి నిజరూప దర్శనం భక్తులకు లభించడం లేదు. దీంతో దేవస్థానం ఆధ్వర్యంలో నవంబరు 16 నుంచి 20 వరకు చందనో త్సవం నిర్వ హించాలని నిర్ణయించారు. ఇందులో భాగంగా మొద టి అయిదు రోజుల పాటు మూలవి రాట్టుపై గల సింధూరాన్ని ఆలయ అర్చకులు ప్రత్యేక పూజలు నిర్వహించి తొలగిస్తారు.

ఇందుకు చేపట్టే క్రతువుకు అర్చకులు పది రోజుల ముందు నుంచే దీక్షలు స్వీక రిస్తారు. రావి, జువ్వి, మర్రి, మేడి, దరిమి చెట్ల నుంచి కలప సేకరించి వాటితో సింధూరం తొలగి స్తారు. ఈ కార్యక్రమానికి ఇద్దరు పీఠాధిపతులు రానుండగా, యాగశాలలో 50 మంది రుత్వికులతో నిత్యం త్రికుండాత్మక యజ్ఞం నిర్వహిస్తారు. దీంతో పాటు ఆలయ రాజగోపురంపై సుదర్శన చక్రం, కళశ స్థాపనకు ఏర్పాట్లు చేస్తున్నారు. సింఽధూరం తొలగిం చిన అనంతరం నవంబరు 21 నుంచి 41 రోజుల పాటు ఆంజనేయ స్వామి నిజరూప దర్శనం కల్పించనున్నారు. సింధూరం తొల గించే అయిదు రోజుల పాటు అంజన్న మూలవిరాట్టు దర్శనం ఉండదని, ఆలయంలోనే ప్రత్యేకంగా కర్ర ఉత్సవమూర్తి, వేంకటేశ్వరస్వామి, మహాలక్ష్మి అమ్మవారి దర్శనాలు మాత్రమే ఉండను న్నాయని దేవస్థానం అధికారులు తెలిపారు.

పన్నేండేళ్లకోసారి నిర్వహించాలంటున్న భక్తులు

ప్రతి పుష్కరకాలం కోసారి కొండగట్టు ఆంజనేయ స్వామి చందనోత్సవం నిర్వహించాలని భక్తులు కోరు తున్నారు. 60 ఏళ్లకు నిర్వహించడంతో భక్తులు మహా ద్బుత వేడుకను చూడలేకపోతున్నారని, 12 ఏళ్లకో సారి వచ్చే గోదావరి పుష్కరాల వేళ కొండగట్టులో చందనోత్సవం నిర్వహించాలని అంటున్నారు. దీనిపై దేవస్థానం అధికారులు, అర్చకులు ఆగమశాస్త్ర పండి తులతో చర్చలు జరిపి నిర్ణయం తీసుకోవాలని భక్తులు అంటున్నారు.

ప్రత్యేక ఏర్పాట్లు చేస్తున్నాం..

• అంజనారెడ్డి, ఈవో

చందనోత్సవానికి ప్రత్యేక ఏర్పాట్లు చేస్తున్నాం. ఈ వేడుకలకు 20 లక్షల రూపాయలు కేటాయించి ఏర్పాటు చేస్తున్నాం. నిజ రూపదర్శనం సమయంలో భక్తులు పోటెత్తే అవకశాలు ఉండడంతో అందుకు అనుగుణంగా ఏర్పాట్లు, సౌకర్యాలు కల్పించడానికి చర్యలు తీసుకుంటున్నాం. వేడుకలకు పీఠాధిపతులు, ప్రముఖులు హాజరుకానున్నారు.

చందనోత్సవం విశేష కార్యక్రమం..

• జితేంద్రప్రసాద్‌, ప్రధానార్చకుడు

కొండగట్టు ఆంజనేయస్వామి ఆలయంలో నిర్వహిస్తున్న చంద నోత్సవం అత్యంత విశేష కార్యక్ర మం. 60 ఏళ్ల అనంతరం నిర్వహి స్తున్న ఈ అద్భుత ఘట్టంలో ఆంజనేయస్వామి వారి నిజ రూపాన్ని భక్తులు దర్శనం చేసుకోవచ్చు. స్వామి వారి కృపతోనే ఇలాంటి అద్భుత వేడుకల్లో భాగస్వాములమవుతున్నాం.

ఈ వార్తలు కూడా చదవండి:

మళ్లీ స్వల్పంగా పెరిగిన బంగారం ధర

బీఆర్‌ఎస్‌ గుర్తింపు రద్దు చేయాలి

Read Latest AP News And Telangana News And International News And Telugu News