రఘురామపై బెదిరింపులు.. జడ శ్రావణ్ కుమార్‌పై కేసు

పశ్చిమ గోదావరి జిల్లా, జులై 1 (ఆంధ్రజ్యోతి): జై భీమ్ రావ్ భారత్ పార్టీ అధ్యక్షుడు, హైకోర్టు మాజీ ప్రధాన న్యాయమూర్తి జడ శ్రావణ్ కుమార్‌పై పోలీసులు కేసు నమోదు చేశారు. ఆంధ్రప్రదేశ్ అసెంబ్లీ డిప్యూటీ స్పీకర్ రఘురామకృష్ణంరాజుపై (Raghurama Krishnam Raju) నేరపూరిత బెదిరింపులకు పాల్పడటంతో పాటు మత విద్వేషాలను రెచ్చగొట్టే విధంగా వ్యాఖ్యలు చేశారనే ఆరోపణలు ఉన్నాయి.

ఈ నేపథ్యంలో కాళ్ల మండలం సీసలి గ్రామానికి చెందిన తోట ఫణిబాబు.. శ్రావణ్ కుమార్‌పై ఫిర్యాదు చేశారు. ఈ ఫిర్యాదు మేరకు కాళ్ల పోలీసుస్టేషన్‌లో శ్రావణ్ కుమార్‌పై ఈ కేసు నమోదైంది. ఫిర్యాదులో పేర్కొన్న వివరాల ఆధారంగా ఆయన చేసిన వ్యాఖ్యలు సామాజిక వర్గాల మధ్య విద్వేషాలను ప్రేరేపించేలా ఉన్నాయని, అలాగే ఓ ప్రజాప్రతినిధిపై బెదిరింపు ధోరణితో మాట్లాడినట్లు తోట ఫణిబాబు ఫిర్యాదులో తెలిపారు.

ఫిర్యాదును స్వీకరించిన పోలీసులు ప్రాథమిక విచారణ అనంతరం సంబంధిత చట్టాల కింద కేసు నమోదు చేశారు. సోషల్ మీడియా, బహిరంగ వేదికల ద్వారా జడ శ్రావణ్ కుమార్‌ చేసిన వ్యాఖ్యలను కూడా అధికారులు పరిశీలిస్తున్నారు. ఈ వ్యవహారానికి సంబంధించిన పూర్తి వివరాలను పోలీసులు సేకరిస్తున్నారు. ఫిర్యాదులో పేర్కొన్న అంశాలను పరిశీలిస్తున్నారు. అవసరమైతే సంబంధిత వ్యక్తులను విచారణకు పిలిచే అవకాశం ఉంది. ఈ కేసు దర్యాప్తు కొనసాగుతున్న నేపథ్యంలో మరిన్ని వివరాలు అధికారికంగా వెలువడాల్సి ఉంది. రఘురామపై చేసిన వ్యాఖ్యల వ్యవహారం రాష్ట్ర రాజకీయ వర్గాల్లో చర్చకు దారితీస్తుండగా, పోలీసులు చట్టపరమైన చర్యలను చేపడుతున్నారు.

ఈ వార్తలు కూడా చదవండి...

ఏపీ విద్యా వ్యవస్థపై కేంద్రమంత్రి ధర్మేంద్ర ప్రధాన్ ప్రశంసలు

ఫడణవీస్‌తో పవన్ భేటీ.. ఏపీకి రెండు ఆడపులులు ఇవ్వడంపై కృతజ్ఞతలు

Read Latest AP News And Telangana News And National News

And Telugu News