పులివెందుల మునుపటిలా లేదు. మార్పు వచ్చింది: ఎమ్మెల్యే కృష్ణచైతన్య రెడ్డి

అమరావతి, నవంబర్ 1: ‘పులివెందుల మునుపటిలా లేదు. మార్పు వచ్చింది. అక్కడ ఎలాంటి గొడవలు జరగడం లేదు. పులివెందులకు వెళ్లి గలాటా చేసే వాళ్లు ఎవరూ లేరు.. సాక్షి మీడియాను అడ్డుపెట్టుకుని జగనే తప్పుడు ప్రచారం చేస్తున్నారు’ అని కడప జిల్లా కమలాపురం ఎమ్మెల్యే కృష్ణ చైతన్య రెడ్డి ఆరోపించారు. అసత్య ప్రచారాలు చేసి ప్రజలను తప్పుదోవ పట్టించవద్దని హితవు పలికారు.

‘మున్సిపల్ ఎన్నికల సందర్భంగా పులివెందులలో జగన్ మార్క్ మళ్లీ ప్రారంభమైంది. తాను చేసిన పాపాలను ఎదుటివారిపై నెట్టడం – ఇదే జగన్ 2.0 మార్క్. సాక్షి మీడియాను అడ్డుపెట్టుకుని జగన్ తప్పుడు ప్రచారం చేస్తున్నారు. ఓడిపోతామన్న భయంతోనే టీడీపీ నేతలు గలాటా చేస్తున్నారని ప్రచారం చేస్తున్నారు. పులివెందులకు వెళ్లి గలాటా చేసే వాళ్లు ఎవరూ లేరు. పులివెందులలో మార్పు వచ్చింది. అక్కడ ఎన్నికలు ప్రశాంతంగా జరగాలని కోరుకుంటున్నాం. అవినాష్ రెడ్డి అబద్ధాలు చెప్పడం ఆపేస్తే మంచిది. బాబాయ్ హత్య కేసులో ఏమి జరిగిందో రాష్ట్ర ప్రజలందరికీ తెలుసు’ అంటూ ఎమ్మెల్యే కృష్ణ చైతన్య కౌంటర్ ఇచ్చారు.

ఈ వార్తలు కూడా చదవండి..

శ్రీవారి ఆలయంలో 495 ఏళ్ల నాటి శాసనం

కర్నూలులో రూ.76 లక్షల నగదు సీజ్‌

Read Latest AP News And Telugu News