Watch Viral Video: భవనం పైనుంచి పడిపోయిన పిల్లాడు.. క్యాచ్ పట్టుకున్న వ్యక్తి.. వీడియో వైరల్..

అప్పుడప్పుడూ కళ్ల ముందు ఊహించని ప్రమాదాలు జరుగుతుంటాయి. ఇలాంటి సమయాల్లో కొన్నిసార్లు షాకింగ్ ఘటనలు జరిగితే.. మరికొన్నిసార్లు ఆశ్చర్యకర ఘటనలు చోటు చేసుకుంటుంటాయి. ఇలాంటి సమయాల్లో కొందరు చావు అంచుల దాకా వెళ్లి తిరిగి వస్తుంటారు. ఇంకొన్నిసార్లు కొందరు దేవుడిలా వచ్చి ప్రమాదంలో పడ్డ వారిని కాపాడుతుంటారు. ఇలాంటి సంఘటనలకు సంబంధించిన వీడియోలు సోషల్ మీడియాలో తెగ వైరల్ అవుతుంటాయి. తాజాగా, ఇలాంటి వీడియో ఒకటి నెట్టింట చక్కర్లు కొడుతోంది. ఓ పిల్లాడు భవనంపై నుంచి కిందపడ్డాడు. అదే సమయంలో కింద ఉన్న వ్యక్తి పిల్లాడిని పట్టుకోవడంతో ప్రాణాపాయం తప్పింది. ఈ వీడియో చూసిన నెటిజన్లు ఆ వ్యక్తిని అభినందనలతో ముంచెత్తుతున్నారు.

సోషల్ మీడియాలో ఓ వీడియో (Viral Video) తెగ వైరల్ అవుతోంది. ఇంటి రెండో అంతస్తులో ఓ పిల్లాడు రెయిలింగ్ పట్టుకుని వేలాడుతున్నాడు. ఇలా చాలా సేపు రెయిలింగ్ పట్టుకున్న ఆ పిల్లాడు.. తర్వాత చేయి వదిలేశాడు. దీంతో నేరుగా కిందకు దూసుకొచ్చాడు. అయితే అదే సమయంలో ఓ వ్యక్తి కింద నడుస్తూ వెళ్తున్నారు. పిల్లాడు కిందపడడం చూసిన ఆ వ్యక్తి.. వెంటనే అలెర్ట్ అయ్యాడు.

కిందపడుతున్న పిల్లాడిని చేతులతో (Man Catch Falling Boy) పట్టుకున్నాడు. అప్పటికే ఆ పిల్లాడు నేలను తాకినా కూడా.. అతను చేతులు అడ్డుగా పెట్టడం వల్ల నేలకు బలంగా తాకలేదు. పిల్లాడిని కిందపడకుండా పట్టుకున్న ఆ వ్యక్తి.. తర్వాత బాలుడిని చేతుల్లోకి తీసుకున్నాడు. ఇంతలో ఓ మహిళ కొందరు వ్యక్తులు అక్కడికి పరుగెత్తుకుంటూ వచ్చారు. ఇలా ఆ వ్యక్తి పిల్లాడిని ఎంతో చాకచక్యంగా రక్షించాడు. అయితే ఈ వీడియోపై ప్రజలు భిన్నాభిప్రాయాలు వ్యక్తం చేస్తున్నారు.

ఇంకొందరు ఆ వ్యక్తి ప్రశంసిస్తూ కామెంట్లు చేస్తుండగా.. మరికొందరు ఇది ఏఐ క్రియేషన్‌లా ఉందని చెబుతున్నారు. ఈ వీడియో ప్రస్తుతం సోషల్ మీడియాలో తెగ వైరల్ అవుతోంది. దీనిపై నెటిజన్లు కూడా వివిధ రకాలుగా స్పందిస్తున్నారు. ‘పిల్లాడి పాలిట దేవుడిలా వచ్చి రక్షించాడు’.. అంటూ కొందరు, ‘ఇది ఏఐ వీడియో.. చూస్తుంటేనే అర్థమవుతోంది’.. అంటూ మరికొందరు, వివిధ రకాల ఎమోజీలతో ఇంకొందరు కామెంట్లు చేస్తున్నారు. ఈ వీడియో ప్రస్తుతం 730కి పైగా లైక్‌లు, 63 వేలకు పైగా వ్యూస్‌ను సొంతం చేసుకుంది.

ఇవి కూడా చదవండి..

టికెన్ కొని మెట్రో ఎక్కాడు.. లోపల అతడు చేసిన పనికి అంతా షాక్..

రాత్రి వేళ సంబరాల్లో యువతీయువకులు.. అర్ధరాత్రి రోడ్డు మధ్యలో షాకింగ్ సీన్..

మరిన్ని వైరల్ వార్తల కోసం ఇక్కడ క్లిక్ చేయండి