Viral Video: హిందూ కుర్రాడు.. ముస్లిం యువతి.. హోటల్‌లో భోజనం చేసి బైక్‌పై తిరిగి వెళ్తోంటే సడన్‌గా వచ్చిందో గ్యాంగ్.. చివరకు..!
ABN , First Publish Date - 2023-05-27T15:50:26+05:30 IST
నిస్సహాయులు కనిపిస్తే.. ఏదో రకంగా ఇబ్బంది పెడుతూ తమ పైశాసికత్వాన్ని బయటపెడుతుంటారు కొందరు శాడిస్టులు. ఇలాంటి వారికి యువతులు ఒంటరిగా కనిపిస్తే చాలు.. ఇక వారి ప్రవర్తన ఎలా ఉంటుందో ప్రత్యేకంగా చెప్పాల్సిన పని లేదు. ప్రేమికులపై దాడులు చేయడం, ప్రియుడి ముందే ప్రియురాలిపై..
నిస్సహాయులు కనిపిస్తే.. ఏదో రకంగా ఇబ్బంది పెడుతూ తమ పైశాసికత్వాన్ని బయటపెడుతుంటారు కొందరు శాడిస్టులు. ఇలాంటి వారికి యువతులు ఒంటరిగా కనిపిస్తే చాలు.. ఇక వారి ప్రవర్తన ఎలా ఉంటుందో ప్రత్యేకంగా చెప్పాల్సిన పని లేదు. ప్రేమికులపై దాడులు చేయడం, ప్రియుడి ముందే ప్రియురాలిపై అత్యాచారానికి పాల్పడడం, అడ్డొచ్చిన వారిపై విచక్షణా రహితంగా దాడులు చేయడం వంటి ఘటనలు గతంలో చాలా చూశాం. ఇటీవల ఇలాంటి ఘటనలు పెరిగిపోతున్నాయి. తాజాగా, మధ్యప్రదేశ్‌లో దారుణ ఘటన చోటు చేసుకుంది. హిందూ కుర్రాడు, ముస్లిం యువతి కలిసి హోటల్‌లో భోజనం చేసి బైకుపై ఇంటికి వెళ్తున్నారు. అదే సమయంలో అక్కడికి వచ్చిన ఓ గ్యాంగ్.. వారి పట్ల దారుణంగా వ్యవహరించింది. ఎవర్రా మీరంతా.. మాతో మీకేంటి పని.. అని యువతి వారిస్తున్నా వినిపించుకోలేదు. ఇంతకీ అసలు ఏం జరిగిందంటే..
మధ్యప్రదేశ్ (Madhya Pradesh) ఇండోర్‌లో ఈ ఘటన చోటు చేసుకుంది. హిందూ అబ్బాయి, ముస్లిం యువతి (young woman) కలిసి ఇటీవల ఓ రోజు రాత్రి డిన్నర్ చేసేందుకు హోటల్‌కి వెళ్లారు. భోజనానంతరం ఇంటికి వెళ్లేందుకు స్కూటీపై బయలుదేరారు. అయితే ఇలా కదిలారో లేదో.. ఓ చిల్లర గ్యాంగ్ అక్కడికి వచ్చింది. వారిని చూడగానే ఏదో రకంగా ఇబ్బంది పెట్టాలనే ఉద్దేశంతో స్కూటీని ఆపి, యువకుడిని బెదిరించారు. ‘‘ఎవరు నువ్వు.. ఆ అమ్మాయిని ఎందుకు తీసుకొచ్చావ్.. చెప్పు’’.. అంటూ సమాధానం కూడా చెప్పనీయకుండా మీద మీద ప్రశ్నలు వేస్తూ ఇబ్బంది పెట్టారు. మరికొందరు అతడిపై దాడి చేసేందుకూ ప్రయత్నించారు. దీంతో సదరు యువకుడు తెగ భయపడిపోయాడు. వెనుక కూర్చున్న యువతి కలుగజేసుకుని.. ‘‘హే.. ఎవరు మీరంతా మమ్మల్ని నిలదీస్తున్నారు.. మాతో మీకేం సంబంధం.. కాపాడమని నేనేమైనా మిమ్మల్ని అడిగానా.. మేము ఇంట్లో చెప్పే వచ్చాం’’.. అని చెబుతున్నా వినిపించుకోలేదు.
ఒకానొక దశలో ఇద్దరిపై దాడి చేసేందుకూ ప్రయత్నించారు. ఈ క్రమంలో ఇద్దరు వ్యక్తులు అక్కడికి వచ్చి వారిని కాపాడే ప్రయత్నం చేశారు. దీంతో మరింత రెచ్చిపోయిన గ్యాంగ్.. సదరు యువకులపై కత్తితో (Attack with knives) దాడి చేశారు. ఈ దాడిలో వారు తీవ్రంగా గాయపడ్డారు. చివరకు అక్కడికి వచ్చిన మరికొంత మంది వారిని రక్షించి, చికిత్స నిమిత్తం ఆస్పత్రికి తరలించారు. దీనిపై పోలీసు ఉన్నతాధికారులు మాట్లాడుతూ.. యువతి తన తల్లిదండ్రుల అనుమతితోనే యువకుడితో హోటల్‌కి వెళ్లిందని చెప్పారు. దాడి చేసిన వారిపై కఠిన చర్యలు తీసుకుంటామని పేర్కొన్నారు. కాగా, ఈ ఘటనకు సంబంధించిన వీడియో ప్రస్తుతం తెగ వైరల్ అవుతోంది. ఇలాంటి రౌడీలపై కఠిన చర్యలు తీసుకోవాలంటూ నెటిజన్లు డిమాండ్ చేస్తున్నారు.
