Viral Video: కోడే కదా నమిలేద్దాం అనుకుంది.. చివరకు ఆ కుక్క పరిస్థితి ఏంటంటే..
ABN , First Publish Date - 2023-03-26T19:54:34+05:30 IST
పిల్లలను రంక్షించుకునే క్రమంలో తప్ప మిగతా సమయాల్లో కుక్కను చూడగానే కోడి పారిపోవడం జరుగుతుంటుంది. అలాగే కోళ్లను చూడగానే కొన్ని కుక్కలు దాడి చేసి చంపేయడం కూడా చూస్తూ ఉంటాం. అయితే కొన్నిసార్లు మాత్రం తేడా కొడుతుంటుంది. ఎంత పెద్ద జంతువులైనా..
పిల్లలను రంక్షించుకునే క్రమంలో తప్ప మిగతా సమయాల్లో కుక్కను చూడగానే కోడి పారిపోవడం జరుగుతుంటుంది. అలాగే కోళ్లను చూడగానే కొన్ని కుక్కలు దాడి చేసి చంపేయడం కూడా చూస్తూ ఉంటాం. అయితే కొన్నిసార్లు మాత్రం తేడా కొడుతుంటుంది. ఎంత పెద్ద జంతువులైనా అప్పుడప్పుడూ చిన్న చిన్న జంతువుల చేతిలో ఓడిపోతుంటాయి. ఇలాంటి వీడియోలు నెట్టింట తెగ వైరల్ అవుతుంటాయి. ప్రస్తుతం ఓ కుక్క, కోడి పోరాటానికి సంబంధించిన వీడియో వైరల్ అవుతోంది. ఓ కుక్క కోడిని చంపేయాలని చూస్తుంది. అయితే చివరకు దాని పరిస్థితి ఏంటంటే..
సోషల్ మీడియాలో ఓ వీడియో తెగ వైరల్ (Viral videos) అవుతోంది. ఓ కుక్క కోడిని చూడగానే దాడి చేయాలని చూస్తుంది. కోడిని చంపేసి ఆకలి తీర్చుకోవాలని చూస్తుంది. వెంటనే కోడిని కాలితో పట్టుకుని కొరికేయాలని (Dog attack on chicken) చూస్తుంది. అయితే కుక్క దాడి చేసేందుకు ప్రయత్నించగానే కోడి అలెర్ట్ అవుతుంది. నన్ను చంపడం అంత ఈజీ కాదు.. అన్నట్లుగా కుక్కపై దాడికి దిగుతుంది. గాల్లోకి ఎగురుతూ కుక్క మూతిపై కాళ్లతో పదే పదే పొడుస్తుంది. కాసేపు కోడిని చంపాలని చూసినా.. చివరకు కుక్క తీవ్రంగా అలసిపోతుంది.
‘‘వామ్మో! ఇది మామూలు కోడి కాదురోయ్’’.. అనుకుంటూ అక్కడి నుంచి వెళ్లిపోవడానికి ప్రయత్నిస్తుంది. అయినా కోడి మాత్రం వదలదు. ఎక్కడికి వెళ్తావ్.. రా తేల్చుకుందాం.. అన్నట్లుగా దాని వెంటపడి మరీ దాడి చేస్తుంది. దీంతో చివరకు.. ‘‘నీతో కొట్లాడటం నా వల్ల కాదు బాబోయ్’’.. అనుకుంటూ అక్కడి నుంచి పారిపోతుంది. ఈ ఘటనను అక్కడే ఉన్న కొందరు వీడియో తీసి, సోషల్ మీడియాలో (Social media) షేర్ చేశారు. ప్రస్తుతం ఈ వీడియో తెగ చక్కర్లు కొడుతోంది. దీనిపై నెటిజన్లు ఫన్నీ ఫన్నీగా కామెంట్లు పెడుతున్నారు.
