Sircilla
పురవీధుల్లో విహరించిన మహాలక్ష్మీ
నవరాత్రి ఉత్సవాల్లో భాగంగా దుర్గాష్టమిని పురస్కరించుకొని మంథని శ్రీ మహాలక్ష్మీ అమ్మవారిని ఉత్సవ విగ్రహాన్ని పట్టణంలోని పుర వీధుల గుండా వైభవంగా ఆదివారం ఊరేగించారు. భక్తులు అధిక సంఖ్యలో శ్రీ మహాలక్ష్మి ఆలయానికి వచ్చి అమ్మవారిని దర్శించుకొని పూజలు నిర్వహించారు.
నేడు ఖనిలో దసరా ఉత్సవాలు
గోదావరిఖని జవహర్‌లాల్‌ నెహ్రూ స్టేడియంలో సోమవారం దసరా ఉత్సవాలను ఘనంగా నిర్వహించనున్నారు. సింగరేణి, ఎన్‌టీపీసీ, ఆర్‌ఎఫ్‌సీఎల్‌, కార్పొరేషన్‌ అధికారులు ఏర్పాట్లు చేస్తున్నారు.
ఎల్‌నినో కారణంగా వనరులను పొదుపుగా వాడుకుందాం
ప్రపంచ వ్యాప్తం గా నెలకొన్న ఎల్‌నినో ప్రభావం కారణంగా నీటి వనరులను పొదుపుగా వాడుకోవాల్సిన సామాజిక బాధ్యత అందరి పై ఉందని రాష్ట్ర ఐటీశాఖ మంత్రి దుద్దిళ్ళ శ్రీధర్‌బాబు కోరారు.
నేడు సద్దుల బతుకమ్మ
సద్దుల బతుకమ్మ పండగను జిల్లావ్యాప్తంగా ఆదివారం నిర్వహించనున్నారు. తీరొక్క పూలతో బతుకమ్మను పేర్చేందుకు ఆడపడుచులు సిద్ధమవుతున్నారు. పండుగ సందర్భంగా జిల్లాకేంద్రంతో పాటు ఆయా డివిజన్లలో, గ్రామాలలో, మండల కేంద్రాలలో వివిధ పార్టీల నాయకులు, కార్పోరేటర్లు, అధికారుల ఆధ్వర్యంలో పండుగకు ఏర్పాట్లు చేస్తున్నారు.
వాకర్స్‌ సంక్షేమానికి కట్టుబడి ఉన్నా
వాకర్స్‌ సంక్షేమా నికి కట్టుబడి ఉన్నానని ఎమ్మెల్యే డాక్టర్‌ సంజయ్‌కుమార్‌ తెలిపారు. శ్రీ కోదండ రామా లయం ఆవరణలో శనివారం జరిగిన దరూర్‌ క్యాంప్‌ వాకర్స్‌వెల్ఫేర్‌ అసోసియేషన్‌ నూతనకార్యవర్గ ప్రమాణ స్వీకార కార్యక్రమానికి హాజరైన ఎమ్మెల్యే నూతన కార్యవర్గసభ్యులకు శుభాకాంక్షలు తెలిపారు.
బతుకునివ్వమ్మా.. బతుకమ్మా
బతుకమ్మ బతుకమ్మ ఉయ్యాలో.. బంగారు బతుకమ్మ ఉయ్యాలో.. అంటూ పురాణ గాథలు.. కుటుంబాల అనుబంధాలు, బతుకు బాధలను పాటలుగా పాడుతూ ఆడపడుచులు ఆటపాటలతో జరుపుకునే పెద్ద బతుకమ్మ పూల జాతరకు రంగం సిద్ధమైంది.
చివరితడిపైనే ఆశలు
ఆరుగాలం శ్రమించి సాగు చేసిన రైతుకు పంట చేతికందే సమయంలోనూ కష్టాలు తప్పడం లేదు. పంట పొట్ట దశ దాటి గింజ గట్టిపడి కోతకు సిద్ధమవుతున్న తరుణంలో చివరి తడి అందక వరి సాగు చేసిన రైతులు ఆందోళన చెందుతున్నారు. ఈ క్రమంలో ఎస్సారెస్పీ నీటి విడుదలతో దిగుబడిపై ఆశలు చిగురిస్తున్నాయి.
అభివృద్ధిని చూసి ప్రతిపక్షాలకు ఓర్వలేనితనం
సీఎం రేవంత్‌రెడ్డి చేస్తున్న అభివృద్ధి చూసి ఓర్వలేక ప్రతిపక్షాలు తప్పుడు ఆరోపణలు చేస్తున్నాయని ప్రభుత్వ విప్‌, ఎమ్మెల్యే చింతకుంట విజయరమణారావు అన్నారు. మండల కేంద్రంలో శనివారం 50 మంది లబ్ధిదారులకు కల్యాణలక్ష్మి చెక్కులు అందజేశారు.
ఉద్యోగుల సమస్యలు పరిష్కరించాలి
జాతీయ ఆరోగ్య మిషన్‌ ఉద్యోగుల డిమాండ్‌లను పభుత్వం వెంటనే పరిష్కరించాలని మాజీ మున్సిపల్‌ చైర్‌పర్సన్‌ దాసరి మమతారెడ్డి అన్నారు. కలెక్టరేట్‌ ఎదుట ఉద్యోగులు తమ హక్కులు, సమస్యల పరిష్కారానికి చేపట్టిన నిరసన కార్యక్రమానికి హాజరై సంఘీభావం తెలిపారు.
విద్యుత్‌, సాగునీటి సమస్య పరిష్కరించాలి
రైతులకు నిరంతర విద్యుత్‌ సరఫరాతోపాటు, సాగునీటిని సకాలంలో విడుదల చేయాలని బీజేపీ నాయకులు, రైతులు శనివారం రాఘవపూర్‌ సబ్‌స్టేషన్‌ ఎదుట ధర్నా నిర్వహించారు. వివిధ గ్రామాల నుంచి రైతులు, రైతు సంఘాల నాయకులు పాల్గొన్నారు.