ఖైరతాబాద్ గణేశ్ నిమజ్జనం ప్రత్యక్ష ప్రసారం

ఇంటర్నెట్ డెస్క్, సెప్టెంబర్ 25 (ఆంధ్రజ్యోతి): ఖైరతాబాద్‌ మహాగణపతి శోభాయాత్ర ఈరోజు (శుక్రవారం) ప్రారంభమైంది. మధ్యాహ్నం 2 గంటల్లోపు నిమజ్జనం పూర్తి అయ్యేలా ఉత్సవ కమిటీ సభ్యులు ప్రణాళిక చేశారు. బడా గణపతి శోభాయాత్రకు విజయవాడ నుంచి భారీ టస్కర్‌‌ను తీసుకువచ్చారు. హైదరాబాద్ ట్యాంక్‌బండ్‌లోని ఎన్టీఆర్ మార్గ్ క్రేన్ నంబర్ - 4, 5 దగ్గర వినాయకుడిని నిమజ్జనం చేసేందుకు అధికారులు భారీ ఏర్పాట్లు చేశారు. డీజే వాడకుండా.. సన్నాయి మేళాల మధ్యనే ఖైరతాబాద్ లంబోదరుడిని నిమజ్జనం చేయనున్నారు. గణనాథుడిని దర్శించుకోవడానికి భక్తులు భారీగా తరలివచ్చారు. భక్తుల రద్దీ నేపథ్యంలో పోలీసులు భారీ బందోబస్తు ఏర్పాట్లు చేశారు.