గంజాయి పండిస్తున్న సాధువు అరెస్ట్

ములుగు జిల్లా, జులై 18 (ఆంధ్రజ్యోతి): ములుగు జిల్లా తాండూరు మండలంలో స్వామీజీ ముసుగులో గంజాయి సాగు చేస్తున్న ఓ సాధువును పోలీసులు అరెస్టు చేశారు. కాశీకి చెందిన శ్రీరామ్ గిరి అనే స్వామీజీ గోవిందరావుపేట శివారులోని తన ఆశ్రమంలో గంజాయి మొక్కలను పెంచుతున్నట్లు పోలీసులకు సమాచారం అందింది. ఈ క్రమంలో పోలీసులు రంగంలోకి దిగి చర్యలు చేపట్టారు. ఆశ్రమంపై సోదాలు చేయగా అక్కడ గంజాయి సాగు జరుగుతున్నట్లు గుర్తించారు. ఆశ్రమ ప్రాంగణంలో పెంచుతున్న మొత్తం 36 గంజాయి మొక్కలను వేర్లతో సహా తొలగించి స్వాధీనం చేసుకున్నారు. అంతేకాకుండా, ఎండు గంజాయిని కూడా పోలీసులు స్వాధీనం చేసుకున్నారు.

స్వామీజీ శ్రీరామ్ గిరి తన అక్కతో కలిసి ఆశ్రమంలో నివసిస్తున్నట్లు పోలీసులు తెలిపారు. ఆధ్యాత్మిక కార్యకలాపాల పేరుతో ఆశ్రమాన్ని నిర్వహిస్తూ, రహస్యంగా గంజాయి సాగు చేస్తున్నాడని పోలీసులు చెప్పారు. స్వాధీనం చేసుకున్న గంజాయి మొక్కలు, ఎండు గంజాయిని పరీక్షల కోసం సంబంధిత విభాగాలకు పంపించారు. ఈ ఘటన స్థానికంగా తీవ్ర చర్చనీయాంశంగా మారింది. నిందితుడు శ్రీరామ్ గిరిపై సంబంధిత చట్టాల ప్రకారం కేసు నమోదు చేసి పోలీసులు దర్యాప్తు చేస్తున్నారు.

ఈ వార్తలు కూడా చదవండి...

వర్షాభావాన్ని ఎదుర్కొనేందుకు సమగ్ర కార్యాచరణ సిద్ధం చేస్తాం: మంత్రి తుమ్మల

హిందూ సంస్కృతిపై దాడి చేస్తున్నారు: కేంద్రమంత్రి బండి సంజయ్

Read Latest AP News And Telangana News And National News

And Telugu News